From Wikipedia, the free encyclopedia
یوسیاہ (عبرانی: יאשיהו בן-אמון מלך יהודה) سلطنت یہوداہ کا سترھواں بادشاہ تھا جس نے 640 قبل مسیح سے 609 قبل مسیح تک حکومت کی۔یوسیاہ نے بطور شاہ یہوداہ تخت داؤد پر 31 سال حکمرانی کی اور یہ تمام عرصہ سیاسی آزادی اور اصلاح مذہب کی آخری لہر ثابت ہوا۔ اس دور کے بعد سقوط یروشلم سے مملکت یہوداہ ختم ہو گئی۔
عبرانی زبان میں یہ لفظ یوشی یاہ ہے جس کا معنی ہے: یہوواہ اِس کا مددگار ہے۔ یوسیاہ کی پیدائش یروشلم میں 648 قبل مسیح میں ہوئی۔ اُس کے والدین آمون، شاہ یہوداہ اور جدیدہ تھے۔[1] یوسیاہ کے بچپن سے متعلق حالات تورات میں موجود نہیں، البتہ اُس کی تخت نشینی سے عہدِ حکومت کے چند واقعات ملتے ہیں۔
641 قبل مسیح میں جب ایک شاہی غلام نے آمون، شاہ یہوداہ کو قتل کر دیا تو تب یوسیاہ 8 سال کی عمر میں سلطنت یہوداہ کا بادشاہ بنا۔[1][2] جب تک یوسیاہ جوان ہوا تو اُس وقت جدید آشوری سلطنت کا عالمگیری اثر بہت حد تک ختم ہو چکا تھا۔ مشرق میں سرکشی اور بغاوتوں کے نتائج اور 627 قبل مسیح میں اشور بنی پال کی موت کے بعد سلطنت یہوداہ میں قوم پرستی کا مادہ پیدا ہوا۔ 612 قبل مسیح میں مادی بادشاہ سیاکساریس اور شاہِ بابل نبوپلاسر کا اتحاد جدید آشوری سلطنت کے مشہور دار الحکومت نینویٰ کو تباہ و برباد کرنے کی طرف مائل ہوا۔ تین سال کے کم عرصے میں ہی بابلیوں نے اشوریوں کی فوج کے باقی ماندہ کو بھی شکست دے دی۔ جدید آشوری سلطنت کے زوال سے سلطنت یہوداہ کو بہت سیاسی فائدہ حاصل ہوا، سلطنت یہوداہ نے اپنی آزادی کا اعلان کر دیا اور شمالی قبیلوں میں بھی اپنا اثر و رسوخ بڑھا لیا۔ اس تمام عرصے میں یوسیاہ داؤد کی سلطنت کا دوبارہ خواب دیکھنے لگا۔
یوسیاہ کے دادا منسی کے دورِ حکومت میں بت پرستی عام ہوئی۔ بعل نامی بت کی پرستش، ستاروں اور اجرامِ فلکی کی پرستش، ہنوم کی وادی میں مولک نامی دیوتا کی پرستش کے سلسلے میں بچوں کو قربان کرنا، ستارہ شناسی، کاہنوں کی غیب بینی، ہیکل کے صحن میں آسمانی مخلوق کی پرستش کے لیے مذبحوں کا قیام اور معصوم بچوں کا خون بہایا جانا، سلطنت یہوداہ کی عوام میں رائج تھیں۔[6] یوسیاہ کا شمار بادشاہان یہوداہ کے راستباز بادشاہوں میں ہوتا ہے، اُس کے عہدِ حکومت میں سلطنت یہوداہ میں لا تعداد سیاسی و مذہبی اصلاحات نافذ العمل ہوئیں۔یوسیاہ نے اپنے عہدِ حکومت میں جو مذہبی اصلاحات کیں، اُن کا مفصل ذکر عہد نامہ قدیم کی کتاب سلاطین دؤم کے باب 34 میں یوں مذکور ہیں:
جولائی 609 قبل مسیح میں یوسیاہ 39 سال کی عمر میں مجدو کے مقام پر فرعون مصر نکوہ کے تیراندازوں کے تیر لگنے سے قتل ہوا۔[8] یوسیاہ نے سلطنت یہوداہ پر 31 سال حکمرانی کی۔[1][2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.