From Wikipedia, the free encyclopedia
خلدہ یا حلدہ (عبرانی: חֻלְדָּה، انگریزی: Huldah) عبرانی بائبل کے مطابق سلطنت یہوداہ کے یوسیاہ بادشاہ کے عہد میں نبیہ تھی۔[1] خلدہ کا زمانہ غالباً 650 قبل مسیح سے 600 قبل مسیح کا وسطی دور ہے۔
خلدہ کے متعلق تفصیلی حالات میسر نہیں آسکے، البتہ اُس کا تذکرہ بائبل کے پہلے حصہ عہد نامہ قدیم کی کتاب سلاطین اور کتاب تواریخ میں ملتا ہے۔عبرانی روایات کے مطابق خلدہ کا درجہ سات عبرانی نبیاؤں سارہ، مریم، دبورہ، حنہ، آستر اور ابیجیل کے ساتھ شمار کیا جاتا ہے۔[2]
خلدہ کا تذکرہ سلطنت یہوداہ کے بادشاہ یوسیاہ کے عہدِ حکومت کے اٹھارہویں سال (یعنی 623 قبل مسیح) میں ملتا ہے جب تورات کا اصل نسخہ ہیکل سلیمانی میں دریافت ہوا۔تورات کے اِس نسخے کی دریافت کے بعد یوسیاہ بادشاہ نے وہ نسخہ خلدہ کے پاس بھیجا تاکہ وہ اِس نسخہ کی تصدیق کرے۔ کتاب سلاطین دؤم اور کتاب تواریخ دؤم میں یہ تذکرہ یوں بیان کیا گیا ہے:
کتاب سلاطین دؤم میں یہ تذکرہ یوں بیان ہوا ہے:
خلدہ کا عہد یقیناً ساتویں صدی قبل مسیح کے پہلے نصف اول کے ابتدائی عشرہ تھا۔ تقریباً یوسیاہ بادشاہ کے عہد حکومت کے بعد اُس کا تذکرہ مزید کسی دوسرے صحیفہ بائبل میں نہیں ملتا، اِس سے قیاس کیا جا سکتا ہے کہ شاید یوسیاہ کی حکومت کے آخری سالوں میں اُس کا انتقال ہو گیا ہوگا، کیونکہ 609 قبل مسیح میں یوسیاہ فرعون مصر نکوہ کی افواج کے ہاتھوں قتل ہوا، حالانکہ اِس موقع پر کتاب سلاطین دوم اور کتاب تواریخ دوم میں خلدہ کی بابت کوئی دوسرا بیان یا حالات نہیں ملتے۔ عبرانی مفسرین کے مطابق خلدہ کا مقام اِس لیے بلند تصور کیا جاتا ہے کہ جب یوسیاہ کے دورِ حکومت میں تورات کا اصل نسخہ دریافت ہوا تو اُس کی تصدیق خلدہ نے کی تھی، چہ جائیکہ تصدیق کا دوسرا کوئی ذریعہ یا اُس عہد میں دوسرا کوئی نبی موجود نہ تھا۔ علاوہ ازیں خلدہ کا زمانہ سلطنت یہوداہ کی بت پرستی اور ہیکل سلیمانی میں بت پرستی اور نجوم شناسی اور مذبح خانوں کے قیام کا بھی ہے، لیکن جب یوسیاہ نے دوبارہ اپنے آبا کے دین پر چلنا چاہا تو خلدہ کی پیشگوئیاں اُس کے حق میں بہتر ثابت ہوئیں۔ بعض عبرانی مفسرین کے مطابق خلدہ نے محاصرہ یروشلم (587 قبل مسیح) کی پیشگوئی بھی کی تھی جو مندرجہ بالا دونوں اقتباسات کے آخر میں موجود ہے۔ باوجودیکہ یوسیاہ بادشاہ کی موت سلامتی سے نہیں ہوئی، جس کی بابت محققین کا خیال ہے کہ یہ الفاظ شاید تحریف ہیں یا الحاقی ہیں جو بعد کے کسی زمانے میں شامل کردیے گئے۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.