From Wikipedia, the free encyclopedia
پنڈت لیکھ رام (1858ء – 6 مارچ 1897ء) آریہ سماج سناتن دھرم کے رہنما تھے۔ وہ قادیانی مذہب کے بانی []مرزا غلام قادیانی]] کے ساتھ علمی مٹھ بھیڑ کرنے کے لیے مشہور ہیں۔ انھوں نے مرزا غلام احمد کی کتاب براہین احمدیہ کے رد میں ایک کتاب ”تکذیبِ براہین احمدیہ“ (براہین احمدیہ کی تردید) لکھی۔ ان کا 6 مارچ 1897ء کو خفیہ قتل کر دیا گیا تھا۔ قادیانیوں کا دعویٰ ہے کہ ان کا قتل مرزا غلام قادیانی کی ایک پیش گوئی کے مطابق تھا۔[1][2]
پنڈت لیکھ رام[3] کی پیدائش اپریل 1858ء (چیتر کا آٹھواں دن، 1915ب) کو ضلع جہلم کے چھوٹے سے گاؤں ”سید پور “ (موجودہ پاکستان) میں ہوا۔ ان کا عُرف ”لیکھو“ تھا۔ ان کے والد کا نام ”تارا سنگھ“ اور والدہ کا نام ”بھاگ بھری“ تھا۔ انھوں نے پنجاب پولیس کے لیے کچھ عرصہ تک خدمات سر انجام دی تھیں، جب ان کی پوسٹ پشاور میں ہوئی تو ان کی ملاقات منشی کنہیا لال عالیکھ دھری سے ہوئی اور انھوں نے ان کو آریہ سماج کے بانی دیانند سرسوتی کے متعلق بتایا تو وہ دیانند سرسوتی سے بہت متاثر ہوئے۔ انھوں نے پولیس سروس سے استعفا دے دیا اور اپنی زندگی ویدوں کی تبلیغ کے لیے وقف کر دی اور وہ ”پنجاب آریہ پرتینیدھی سبھا“ کے ایک مبلغ بن گئے۔ وہ پشاور کی آریہ سماج شاخ کے بانی تھے۔ انھوں نے شادی کی اور ان کو ایک بیٹا ہوا جو بچپن میں ہی مر گیا۔[4]
انھوں نے اردو زبان میں دیانند سرسوتی کی زندگی کی تاریخ اور کچھ 33 دوسری کتب تحریر کیں۔ ان میں سے کچھ انگریزی، ہندی، سندھی میں ترجمہ کی گئی تھیں۔ انھوں نے آریہ سماج اور ویدک مذہب کے نظریات کی تبلیغ کی۔ ان کو ایک جوشیلا بحث کنندہ بیان کیا گیا ہے۔ جب مرزا غلام احمد قادیانی نے اپنا شاہکار ”براہین احمدیہ“ (1884ء) میں شائع کیا تو لیکھ رام نے مرزا غلام قادیانی کو کھلم کھلا چیلنج دیا اور اس کی کتاب کے رد میں ”تکذیبِ براہین احمدیہ“ لکھی۔[5][6]
وہ عربی اور فارسی کے بھی مقرر تھے اور وہ متعدد زبانوں میں مناظرے کیا کرتے تھے۔[7]
5 مارچ 1897ء کو ایک حملہ آور نے لیکھ رام کے پیٹ میں خنجر بھونک دیا اور ان کے زخم بہت مہلک تھے۔ وہ اگلے دن مسلمانوں کے تہوار عید الفطر والے دن 6 مارچ 1897ء کو مایو ہسپتال، لاہور میں زخموں کی تاب نہ لاتے ہوئے دم توڑ گئے اور ان کی انتم سنسکار کر کے راکھ کو جھیل میں بہا دیا گیا۔
ہندو پریس اور عوام نے مرزا قادیانی پر الزام لگایا جس نے لیکھ رام کی موت کی پیش گوئیاں شائع کی تھیں، پولیس نے کیس کی تحقیق کی لیکن کوئی ایسا ثبوت نہیں ملا جس سے مرزا غلام احمد قادیانی ملزم ٹھہرایا جا سکتا تھا۔[4]