ویاس
From Wikipedia, the free encyclopedia
ویاس (سنسکرت: व्यास؛ لفظی معنی مؤلف) ہندو روایات میں ایک مرکزی اور قابل احترام ہستی ہیں۔ انھیں بعض اوقات وید ویاس (वेदव्यास یعنی وہ شخص جس نے ویدوں کی زمرہ بندی کی) یا کرشن دویپاین (ان کی سانولی رنگت اور مقام پیدائش کے باعث) بھی کہا جاتا ہے۔ عام طور پر انھیں مہا بھارت کا مصنف بھی تصور کیا جاتا ہے، ساتھ ہی ساتھ ان کا ایک کردار بھی اور ویدوں اور پُرانوں کو تحریر کرنے والا بھی۔ ویاس کو سات چِرَن جیوِنوں (طویل عمر پانے والوں، لافانی ہستیوں) میں سے بھی ایک تصور کیا جاتا ہے، جو ہندو عقائد کے مطابق اب بھی زندہ ہیں۔
ویاس | |
---|---|
(سنسکرت میں: व्यास) | |
معلومات شخصیت | |
شہریت | کرو مملکت |
اولاد | پانڈو ، دھریتراشتر |
عملی زندگی | |
پیشہ | شاعر ، فلسفی |
پیشہ ورانہ زبان | سنسکرت |
کارہائے نمایاں | مہا بھارت ، بھگوت گیتا |
IMDB پر صفحات | |
درستی - ترمیم |
وشنو پران کے مطابق، "وید ویاس" کا لقب ویدوں کے ان مؤلفین کو دیا گیا ہے جو وشنو کے اوتار ہیں؛ تاحال اس لقب کے حامل 28 افراد نمودار ہو چکے ہیں۔ ان 28 افراد کے نمودار ہونے کی وجہ یہ ہے کہ ہر یُگ میں برہما کا دور آتا ہے۔ وید ویاس، جو خدا کا جنم بھی ہیں — برہما کے نمائندے کے طور پر زمین پر آتے ہیں۔ موجودہ دور میں ہم 7ویں منو جسے ویواس وتامنو کہا جاتا ہے کی شویتا وراہا کلپا میں ہیں اور 27 مہا یُگ مکمل ہو چکے ہیں؛ اور موجودہ دور میں ہم 28ویں کل یُگ کے آخری مرحلے میں ہیں۔[1][2]
گرو پورنیما (برج قوس میں وقوع پزیر ہونے والا ماہِ کامل یا پورا چاند) ان سے منسوب ہے۔ اسے ویاس پورنیما کے طور پر بھی جانا جاتا ہے، کیونکہ یہ ایسا دن ہے جب ان کی پیدائش بھی ہوئی اور اسی دن انھوں نے ویدوں کی زمرہ بندی بھی کی۔[3][4]