معرکہ کھڑکی
From Wikipedia, the free encyclopedia
From Wikipedia, the free encyclopedia
معرکہ کھڑکی جسے معرکہ گنیش کھنڈ بھی کہا جاتا ہے، کھڑکی کے مقام پر 5 نومبر 1817ء کو برطانوی ایسٹ انڈیا کمپنی اور مرہٹہ سلطنت کی افواج کے درمیان میں پیش آیا۔ مرہٹہ سلطنت کے افواج کی کمان باجی راؤ دوم کے ہاتھ میں تھی۔ اس معرکے میں انگریزوں کو فیصلہ کن فتح حاصل ہوئی اور بعد ازاں کھڑکی کو برطانوی فوجیوں کی چھاؤنی بنا دیا گیا۔
معرکہ کھڑکی | |||||||
---|---|---|---|---|---|---|---|
سلسلہ تیسری اینگلو مرہٹہ جنگ | |||||||
| |||||||
مُحارِب | |||||||
مرہٹہ سلطنت | برطانوی ایسٹ انڈیا کمپنی | ||||||
کمان دار اور رہنما | |||||||
باپو گوکھلے | لیفٹیننٹ کرنل بریگیڈیئر، کیپٹن فورڈ | ||||||
طاقت | |||||||
28,000 | 3,000 | ||||||
ہلاکتیں اور نقصانات | |||||||
500 | 86 |
پانی پت کی تیسری جنگ مرہٹہ سلطنت/وفاق کے لیے موت کا پیامبر ثابت ہوئی تھی۔ جس کے بعد مہاراشٹر پر پیشوا کی کمزور ہوتی گرفت کا مرہٹہ سرداروں نے فائدہ اٹھانا شروع کر دیا اور یہیں سے مرہٹہ سلطنت کے زوال کا آغاز ہوا۔ مرہٹہ پیشواؤں نے جنگوں اور انتظام سلطنت کے لیے جو قرضے لیے تھے وہ ان بھاری قرضوں کے بوجھ تلے دبے ہوئے تھے، زیر نگین علاقوں کے محصولات کی آمدنی صفر ہو کر رہ گئی تھی کیونکہ مرہٹہ سردار ان محصولات کو پیشوا تک پہنچانے کی بجائے ان سے اپنے خزانے بھر رہے تھے۔ ایسی دگرگوں معاشی حالت میں پیشوا برطانوی فوجوں سے لڑائی نہیں کر سکتے تھے۔ مادھو راؤ پیشوا کی وفات کے بعد مرہٹہ سلطنت کا زوال انحدار مسلسل کی شکل اختیار کر گیا۔
مرہٹہ افواج پیشوا کی حجرات پر مشتمل تھی اور ان میں حسب ذیل سالار تھے۔ باپو گوکھلے، آنندراؤ بابر، وٹھل راؤ ونچورکر، رجواڑے، گووندراؤ گھورپڑے مدھولکر، تریمبک راؤ ریٹھرے کر، شیخ معراج، مور دکشت، سردار کوکرے، سردار اپا دیسائی نپانکر، سردار پنڈھارے، سردار ناروپنت آپٹے، سردار یشونت راؤ گھورپڑے سوندرکر، سردار وامن راؤ راستے، سردار چنتامن راؤ پٹ وردھن، باپو ناراین رام درگ کر، پنت پرتندھی کی جانب سے سردار متھالک، سردار نائک انجورکر، سردار پوراندارے، سردار ناگرکر اور موریشور کانتی کر وغیرہ۔ ان تمام سرداروں کی اپنی اپنی گھڑ سوار اور پیادہ فوج تھی۔ فوج کے توپ خانے کی ذمہ داری پر لکشمن راؤ پنشے اور ان کے کسی عزیز کو مامور کیا گیا تھا۔
دوسری جانب ایسٹ انڈیا کمپنی کی افواج کے کماندار کرنل بر اور کرنل فورڈ تھے۔ کرنل بر یکم نومبر کو اور کرنل فورڈ 4 نومبر کو کھڑکی پہنچے۔
باپو گوکھلے کی کمان میں موجود فوج کی تعداد اٹھائیس ہزار نفوس پر مشتمل تھی جن میں بیس ہزار گھڑ سوار اور آٹھ ہزار پیادہ تھے، فوج میں کل بیس بندوقیں تھیں۔ جبکہ برطانوی افواج کی تعداد تین ہزار تھی جن میں دو ہزار گھڑ سوار اور ایک ہزار پیادہ، انگریزوں کے پاس آٹھ بندوقیں تھیں۔[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.