غصہ
From Wikipedia, the free encyclopedia
غصہ، غیظ یا غضب (انگریزی: Anger) ایک شدید جذبہ ہے۔ اس میں ایک سخت اضطراب آمیز اور غیر دوستانہ رد عمل شامل ہوتا ہے جو کسی شخص کی جانب سے محسوس کردہ اشتعال انگیزی، جذباتی مجروحیت یا دھمکی پر مرکوز ہوتا ہے۔[1] غصہ اس وقت ہو سکتا ہے جب ایک شخص یہ محسوس کرے کسی کی شخصی حد بندی کو پامال کیا جا رہا ہے یا جانے والا ہے۔ کچھ لوگوں کے پاس ایک آموختہ رجحان ہوتا ہے کہ وہ غصے کو جھیلنے کے کے لیے انتقام سے کام لیتے ہیں۔ ریمنڈ نوواکو جو یونیورسٹی آف کیلی فورنیا اروین میں 1975ء سے اس موضوع پر اچھا خاصا مواد تیار کر چکے ہیں، غصے کو تین زمروں میں بند کرتے ہیں:
- شعوری (جائزے)
- خوابی-حالاتی (تناؤ اور احتجاجی کیفیت)
- برتاؤ سے متعلق (لا تعلقی اور مخاصمت)
![Thumb image](http://upload.wikimedia.org/wikipedia/commons/0/04/Angry_sun.png)
![Thumb image](http://upload.wikimedia.org/wikipedia/commons/thumb/1/16/Dosso_Dossi_030.jpg/640px-Dosso_Dossi_030.jpg)
ولیم دے فُور جو غصے کے نظم کا مصنف ہے، غصے کو ایک پریشر کوکر سے تشبیہ دیتا ہے: ہم صرف اپنے غصے کے خلاف دباؤ ایک محدود وقت کے لیے کر سکتے ہیں، جس کے بعد وہ دھماکا کر جاتا ہے۔