From Wikipedia, the free encyclopedia
صوبہ آذربائجان شرقی (فارسی: آذربایجان شرقی) (انگریزی: East Azarbaijan) ایران کے شمال مغربی علاقہ میں واقع صوبہ ہے جس کی سرحدیں مملکت آرمینیا، آذربائجان اور ایرانی صوبہ جات صوبہ اردبیل، صوبہ آذربائیجان غربی اور زانجان سے ملتی ہیں۔ صوبہ کا شمار ایران کے تاریخی علاقوں میں ہوتا ہے، جہاں کے فنون لطیفہ ایران اور ایرانی ثقافت و موسیقی کی پہچان ہیں۔ صوبائی صدر مقام ایران کا تاریخی شہر تبریز ہے۔
| صوبہ آذربائیجان شرقی | |
|---|---|
| صوبہ آذربائیجان شرقی | |
 | |
 نقشہ | |
| انتظامی تقسیم | |
| ملک |  ایران [1][2] |
| دار الحکومت | تبریز |
| تقسیم اعلیٰ | ایران |
| جغرافیائی خصوصیات | |
| متناسقات | 38°04′36″N 46°16′48″E [3] |
| رقبہ | 45650 مربع کلومیٹر |
| آبادی | |
| کل آبادی | 3909652 (مردم شماری ) (2016)[4] 3724620 (مردم شماری ) (2011)[5] 3603456 (مردم شماری ) (2006)[6] |
| مزید معلومات | |
| اوقات | متناسق عالمی وقت+03:30 |
| فون کوڈ | 0411 |
| آیزو 3166-2 | IR-03 |
| قابل ذکر | |
| اہم زبان(یں) | فارسی (سرکاری) |
| باضابطہ ویب سائٹ | باضابطہ ویب سائٹ |
| جیو رمز | 142549 |
 | |
درستی - ترمیم  | |
علاقہ کا رقبہ 47,830 مربع کلومیٹر اور آبادی 2005ء کے تخمینہ کے مطابق لگ بھگ چالیس لاکھ ہے۔ علاقہ زیادہ تر پہاڑی ہے اور موسم سرد و خشک ہے۔
آج کا آذربائجان شرقی ایران کا صنعتی مرکز ہے، جہاں 5000 سے زیادہ کارخانے ہیں۔ اہم صنعتوں میں شیشہ سازی، کاغذ سازی، کھانے پینے کی سربندی، چمڑہ سازی اور جوتا سازی اور تانبا کی مصنوعات بنانے کے کارخانوں کے علاوہ تبریز آئل ریفائنری اینڈ پیٹروکیمیکل کمپلیکس، تبریز ٹریکٹر مینوفیکچرنگ کمپنی، تبریز مشین مینوفیکچرنگ کمپنی اور آذربائجان اسٹیل ہیں۔ اس کے علاوہ تبریز دستکاریوں کے لیے بھی شہرت رکھتا ہے جہاں کے قالین اپنے رنگ اور معیار کی وجہ سے پوری دنیا میں پہچانے جاتے ہیں۔ ایک اندازہ کے مطابق علاقہ میں 66000 کے لگ بھگ قالین بننے کے مراکز ہیں جو دو لاکھ افراد کو روزگار فراہم کرتے ہیں۔ ایران سے برآمد کی جانے والی قالینوں کا 35 فیصد صوبہ آذربائجان شرقی میں تیار ہوتا ہے۔ آذربائجان شرقی کا شمار ایران کے امیر ترین علاقوں میں ہوتا ہے جو صنعتوں اور دستکاریوں کے علاوہ معدنی دولت سے بھی مالامال ہے، جہاں 1997ء تک 180 کانیں کام کر رہی ہیں اور 121 زیر تعمیر ہیں۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
