From Wikipedia, the free encyclopedia
شیان (انگریزی: Xi'an) ایک ملین آبادی کا شہر ہے جو چین میں واقع ہے۔ ژیان صوبہ شانسی شانزی کا دار الحکومت ہے۔ [1] گوانژونگ میدان پر واقع ایک ذیلی صوبائی شہر، یہ شہر مغربی چین کا، چونگ کنگ اور چینگڈو کے بعد، تیسرا سب سے زیادہ آبادی والا شہر ہے، نیز شمال مغربی چین کا سب سے زیادہ آبادی والا شہر ہے۔[2] سنہ 2020ء کی مردم شماری کے مطابق اس کی کل آبادی 12,952,907 تھی۔ جبکہ کل شہری آبادی بانوے لاکھ اسی ہزار کے قریب تھی۔[3]
西安 | |
|---|---|
| ذیلی صوبائی شہر | |
西安市 | |
 اوپر ، بائیں سے، گھڑی وار: شانشی ہسٹری میوزیم، جائنٹ وائلڈ گوز پگوڈا، ڈرم ٹاور، ژیان سٹی وال، ، رات کو تانگ جنت، ژیان کی عظیم الشان مسجد | |
.png) شانسی میں شیان کا محل وقوع | |
| ملک | عوامی جمہوریہ چین |
| صوبہ | شانسی |
| حکومت | |
| • چینی کمیونسٹ پارٹی | ووی منژو (魏民洲) |
| • میئر | ڈونگ جون (董军) |
| رقبہ | |
| • ذیلی صوبائی شہر | 9,983 کلومیٹر2 (3,854 میل مربع) |
| • شہری | 826 کلومیٹر2 (319 میل مربع) |
| • میٹرو | 3,830 کلومیٹر2 (1,480 میل مربع) |
| • ینگلنگ ضلع | 94 کلومیٹر2 (36 میل مربع) |
| بلندی | 405 میل (1,329 فٹ) |
| آبادی (2010 مردم شماری) | |
| • ذیلی صوبائی شہر | 8,467,837 |
| • کثافت | 850/کلومیٹر2 (2,200/میل مربع) |
| • شہری | 6,501,200 |
| • شہری کثافت | 7,900/کلومیٹر2 (20,000/میل مربع) |
| • میٹرو | 7,168,005 |
| منطقۂ وقت | چین میں وقت (UTC+8) |
| رمز ڈاک | 710000 - 710090 |
| ٹیلی فون کوڈ | +86/29 |
| خام ملکی پیداوار | (2013) |
| - کل | امریکی ڈالر فہرست چینی انتظامی تقسیم بلحاظ خام ملکی پیداوار |
| - فی کس | $9,220.59 |
| لائسنس پلیٹ سابقے | 陕A |
| شہر پھول | انار کلی |
| شہر درخت | پگوڈا درخت |
| ویب سائٹ | http://www.xa.gov.cn/ |
ژیان گیارھویں صدی قبل مسیح میں ژاو خاندان کے قیام کے ساتھ چین کا ثقافتی اور سیاسی مرکز بن گیا۔ ژاو کا دار الحکومت فینگ جنگ (灃京) اور ہاوجنگ (鎬京) کی جڑواں بستیوں میں قائم کیا گیا تھا، جنہیں مل کر فینگاؤ کے نام سے جانا جاتا ہے، جو موجودہ ژیان کے جنوب مغرب میں واقع ہے۔ اس بستی کو زونگژو (宗周) کے نام سے بھی جانا جاتا تھا تاکہ اس کے کردار کو جاگیردار ریاستوں کے دار الحکومت کے طور پر ظاہر کیا جا سکے۔ سن 738 قبل مسیح میں، ژاو کے بادشاہ پنگ نے سیاسی بے امنی کی وجہ سے دار الحکومت کو لوویانگ منتقل کر دیا۔ 1980 کی دہائی سے، اندرون ملک چین کی اقتصادی ترقی کے ایک حصے کے طور پر خاص طور پر وسطی اور شمال مغربی علاقوں کے لیے، ژیان پورے وسطی شمال مغربی خطے کے ثقافتی، صنعتی، سیاسی اور تعلیمی مرکز کے طور پر دوبارہ ابھرا ہے، جس میں تحقیق و ترقی کی بہت سی سہولیات موجود ہیں۔ ژیان کو اس وقت ذیلی صوبائی حیثیت حاصل ہے، جو 11 اضلاع اور 2 کاؤنٹیوں کے زیر انتظام ہے۔ 2020 میں، ژیان کو گلوبلائزیشن اور ورلڈ سٹیز ریسرچ نیٹ ورک نے بیٹا- (عالمی دوسرے درجے کے) شہر کے طور پر درجہ دیا اور، ملک کی اپنی درجہ بندی کے مطابق، 17 ویں نمبر پر ہے۔ عالمی مالیاتی مراکز انڈیکس کے مطابق، ژیان دنیا کے 100 سرفہرست مالیاتی مراکز میں سے ایک ہے۔
اپنی زیادہ تر تاریخ میں چانگ آن (Chʻang-an) کے نام سے جانے جانا والا، ژیان چین کے چار عظیم قدیم دارالحکومتوں میں سے ایک ہے، جس نے چینی تاریخ کے کئی اہم ترین خاندانوں کے عہد دیکھے ہیں، جن میں مغربی ژاؤ، مغربی ہان، سوئی، شمالی چاؤ اور تانگ بھی شامل ہیں۔[4] ژیان اب چین کا دوسرا مقبول ترین سیاحتی مقام ہے۔ یہ شہر شاہراہ ریشم کا نقطہ آغاز ہے اور شہنشاہ کن شی ہوانگ کی ٹیراکوٹا آرمی کا گھر ہے، یہ دونوں یونیسکو کے عالمی ثقافتی ورثے کے طور پر درج ہیں۔[5]
ژیان میں اقلیتی مسلم کمیونٹی ہے، ان میں سے زیادہ تر مسلمانوں کا تعلق ہوان گروپ سے ہے، شیان میں ایک اندازے کے مطابق 50,000 ہوئی مسلمان ہیں۔ ژیان میں سات مساجد ہیں جن میں سب سے زیادہ مشہور عظیم مسجد ہے۔[6]
شہر کی بہت سی تاریخی یادگاروں اور آس پاس میں قدیم کھنڈر اور مقبروں کی کثرت کی وجہ سے، سیاحت مقامی معیشت کا ایک اہم جزو رہا ہے اور ژیان کا علاقہ چین کے مشہور سیاحتی مقامات میں سے ایک ہے۔ شہر میں بہت سے اہم تاریخی مقامات ہیں اور کچھ پر آثار قدیمہ کے منصوبے جاری ہیں، جیسے کن شی ہوانگ کا مقبرہ اور اس کی ٹیراکوٹا آرمی۔ شہر میں واقع چاؤ خاندان کے بادشاہوں کے کئی تدفین کے ٹیلے، مقبرے ہیں۔[7] ژیان میں ہان خاندان کے تقریباً 800 شاہی مقبرے بھی شامل ہیں، ان میں سے کچھ میں سینکڑوں مجسمے والے مٹی کے سپاہی ہیں اور ہان دور کے قربانی کے مندروں کے باقیات ہیں۔ اس شہر میں تانگ خاندان کے متعدد پگوڈا ہیں اور یہ اپنے تاریخی عجائب گھر اور اسٹیل جنگل کے لیے مشہور ہے، جو 11ویں صدی کے کنفیوشس کے مندر میں رکھا گیا ہے جس میں مختلف خاندانوں کی بڑی پتھر کی تختیاں رکھی گئی ہیں۔[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
