بھارتی سیاستدان اور وکیل (2019-1952) From Wikipedia, the free encyclopedia
سُشما سَوراج (14 فروری 1952ء – 6 اگست 2019ء) بھارت کی سیاست دان، بھارتی عدالت عظمیٰ کی سابقہ وکیل اور سابقہ وزیر خارجہ تھیں۔ سشما سوراج کو بھارت میں اندرا گاندھی کے بعد دوسری خاتون وزیر خارجہ ہونے کا اعزاز حاصل ہے۔ وہ سات مرتبہ رکن پارلیمان منتخب ہوئیں۔ 1977ء میں 25 سال کی عمر میں سشما سوراج بھارت کی ریاست ہریانہ کی تاریخ میں سب سے کمسن وزیر بنی۔ اس کے علاوہ سشما سوراج 13 اکتوبر 1998ء تا 3 دسمبر 1998ء دہلی کی وزیر اعلیٰ بھی رہ چکی ہیں۔[5] بھارت کے عام انتخابات، 2014ء میں انھوں نے ودیشا لوک سبھا حلقہ، مدھیہ پردیش سے دوسری مرتبہ جیت حاصل کی۔ وہ اپنے نزدیکی فریق سے 400,000 سے زیادہ ووٹوں سے جیتی تھیں۔[6] 26 مئی 2014ء کو انھیں بھارت کی وزیر خارجہ بنایا گیا۔ امریکا کی وال اسٹریٹ جرنل نے انھیں بھارت کی سب سے چہیتی سیاست دان کا خطاب دیا تھا۔[7][8] صحت کی پریشانیوں کی بنا پر انھوں نے بھارت کے عام انتخابات، 2019ء میں حصہ نہ لینے کا فیصلہ کیا۔ انھیں گردے میں تکلیف تھی اور اطبا نے انھیں گرد و غبار سے دور رہنے کا مشورہ دیا تھا۔[9][10]
سشما سوراج | |||||||
---|---|---|---|---|---|---|---|
(ہندی میں: सुषमा स्वराज) | |||||||
وزیر خارجہ | |||||||
مدت منصب 26 مئی 2014 – 30 مئی 2019 | |||||||
وزیر اعظم | نریندر مودی | ||||||
| |||||||
وزیر سمندر پار بھارتی امور | |||||||
مدت منصب 26 مئی 2014 – 7 جنوری 2016 | |||||||
وزیر اعظم | نریندر مودی | ||||||
| |||||||
لوک سبھا میں قائد حزب اختلاف | |||||||
مدت منصب 21 دسمبر 2009 – 26 مئی 2014 | |||||||
| |||||||
وزیر پارلیمانی امور | |||||||
مدت منصب 29 جنوری 2003 – 22 مئی 2004 | |||||||
وزیر اعظم | اٹل بہاری واجپائی | ||||||
| |||||||
وزیر صحت و خاندانی بہبود | |||||||
مدت منصب 29 جنوری 2003 – 22 مئی 2004 | |||||||
وزیر اعظم | اٹل بہاری واجپائی | ||||||
| |||||||
وزیر اطلاعات و نشریات | |||||||
مدت منصب 30 ستمبر 2000 – 29 جنوری 2003 | |||||||
وزیر اعظم | اٹل بہاری واجپائی | ||||||
| |||||||
پانچویں وزیر اعلیٰ دہلی | |||||||
مدت منصب 13 اکتوبر 1998 – 3 دسمبر 1998 | |||||||
| |||||||
رکن پارلیمان، لوک سبھا | |||||||
آغاز منصب 13 مئی 2009 | |||||||
| |||||||
مدت منصب 7 مئی 1996 – 3 اکتوبر 1999 | |||||||
| |||||||
معلومات شخصیت | |||||||
پیدائش | 14 فروری 1952ء [1] | ||||||
وفات | 6 اگست 2019ء (67 سال)[2] نئی دہلی | ||||||
وجہ وفات | بندش قلب | ||||||
شہریت | بھارت [3] | ||||||
جماعت | بھارتیہ جنتا پارٹی [4] | ||||||
اولاد | 1 بیٹی | ||||||
عملی زندگی | |||||||
مادر علمی | جامعہ کروکشیتر پنجاب یونیورسٹی | ||||||
پیشہ | سیاست دان [3]، وکیل | ||||||
اعزازات | |||||||
بانگا بیبھوشن (2004) نمایاں ماہرِ پارلیمانی امور اعزاز (2004) | |||||||
درستی - ترمیم |
سشما سوراج (شرما[11]) کی ولادت 14 فروری 1952ء کو امبالا چھاونی، ہریانہ میں ہوئی۔[12] ان کے والد راشٹریہ سویم سیوک سنگھ کے معزز رکن تھے۔ ان کے والدین دھرم پورہ، لاہور، پاکستان سے تعلق رکھتے تھے۔[13][14][15]انھوں نے سیاسیات اور سنسکرت میں بی اے کیا۔ اور پنجاب یونیورسٹی سے وکالت کی۔[16][17][18]
انھوں نے 1973ء میں بھارتی عدالت عظمیٰ میں بحیثیت وکیل اپنی پیشہ ورانہ زندگی کا آغاز کیا۔[16][17]
1970ء میں انھوں نے اکھل بھارتیہ ودھیارتھی پریشد سے اپنے سیاسی سفر کی شروعات کی۔ ان کے شوہر سوراج کوشل سماجی کارکن جارج فرنانڈیز سے بہت متاثر تھے۔ سشما سوراج جارج کی قانونی ٹیم کی رکن بن گئیں۔ ایمرجنسی کے وقت انھوں نے جے پرکاش نرائن کی کل انقلابی تحریک میں حصہ لیا اور بہت فعال رہیں۔ اس کے بعد انھوں نے بھارتیہ جنتا پارٹی میں شمولیت اختیار کرلی اور پارٹی کی اہم اور قومی سطح کی رہنما بن گئیں۔[19]
وہ 1977ء سے 1982ء تک مجلس قانون ساز ہریانہ کی رکن رہیں۔ اس وقت وہ محض 25 برس کی تھیں اور انھوں نے امبالا چھاونی اسمبلی حلقہ کی نمائندگی کی۔ اسی حلقہ سے وہ 1987ء تا 1990ء اسمبلی کی رکن رہیں۔[20] 1977ء میں وزیر اعلیٰ چودھری دیوی لال کی حکومت میں جنتا پارٹی سے کابینہ کی رکن بنیں۔ 1979ء میں 27 سال کی عمر میں جنتا پارٹی ہریانہ کی صدر بنیں۔ 1987ء تا 1990ء ہریانہ کی حکومت میں وزیر تعلیم رہیں۔[17]
1998ء میں انھوں نے کابینہ بھارت سے استعفی دے دیا اور دہلی کی وزیر اعلیٰ بنیں۔[21] اسی سال دسمبر میں انھوں اس عہدہ سے بھی استعفی دے دیا۔[22]
انھوں نے 13 جولائی 1975ء کو اپنے وکیل دوست سوراج کوشل سے شادی کی۔ اس وقت بھارت میں ایمرجنسی نافذ تھی۔ اسی دوران دونوں کی ملاقات فرنانڈیز سے ہوئی بڑے سماجی کارکن تھے اور سشما ان سے بہت قریب ہوگئیں۔
سشما سوراج کو 6 اگست 2019ء کو دل کا دورہ پڑنے کے بعد آل انڈیا انسٹی ٹیوٹ آف میڈیکل سائنسز (ایمس) میں منتقل کیا گیا تھا جہاں وہ جانبر نہیں ہو سکیں اور 67 برس کی عمر میں وفات پائی۔ اگلے دن 7 اگست کو تمام ریاستی اعزازات کے ساتھ ان کی آخری رسومات ادا کی گئیں۔[23][24]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.