دفتری زبان
From Wikipedia, the free encyclopedia
دفتری زبان سے مراد وہ زبان ہوتی ہے جسے حکومتی سطح پر کسی ملک، ریاست یا علاقے میں خاص قانونی مقام دیا گیا ہو۔ زیادہ واضح طور پر، کسی ملک کی دفتری زبان وہ زبان کہلاتی ہے جسے حکومت (انتظامیہ، عدلیہ، مقننہ وغیرہ) میں استعمال کیا جاتا ہو۔[1] واضح رہے کہ کسی ملک کے باشندے عموماً جو زبان استعمال کرتے ہیں وہ دفتری زبان نہیں کہلاتی۔[2]
دنیا بھر میں موجود 254 ممالک میں سے ہر ملک کم از کم اپنی ایک دفتری زبان رکھتا ہے، جبکہ ان میں سے 101 ممالک نے ایک سے زائد دفتری زبانیں اختیار کی ہیں۔ تاہم جن ممالک میں دفتری زبان اختیار نہیں کی گئی وہاں حکومتی اداروں میں عموماً قومی زبان استعمال کی جاتی ہے۔ انگریزی دنیا میں سب سے زیادہ دفتری زبان کے طور پر استعمال ہوتی ہے، 51 ممالک میں انگریزی کو دفتری زبان کا درجہ دیا گیا ہے جبکہ عربی، فرانسیسی، اور ہسپانوی زبانیں بھی بڑے پیمانے پر اختیار کی گئی ہیں۔