![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/55/The_statue_of_Gommateshvara_Bahubali_dating_978-993_AD..jpg/640px-The_statue_of_Gommateshvara_Bahubali_dating_978-993_AD..jpg&w=640&q=50)
باہوبلی
جین دیوتا / From Wikipedia, the free encyclopedia
باہوبلی (مطلب: طاقتور بازوؤں والا) جینیوں کی ایک نہایت قابلِ احترام شخصیت ہیں، وہ جین دھرم کے پہلے تیرتھنکر "آدی ناتھ" کے بیٹے اور بھرت چکرورتی کے چھوٹے بھائی تھے۔ خیال ہے کہ انھوں نے ایک سال مسلسل کھڑے ہو کر ایسی ریاضت کی تھی کہ پاؤں کے درمیان میں سے جنگلی پودے اگ آئے تھے۔ کہا جاتا ہے کہ ریاضت کے بعد باہوبلی کو ہمہ دانی (کیول گیان) حاصل ہوئی۔ جین متون کے مطابق باہوبلی نے کیلاش پربت پر جنم اور موت کے چکر سے نجات (موکش) حاصل کی۔ جین مت کے پیروکار ان کا ایک نجات یافتہ آتما (سدھ) کی حیثیت سے احترام کرتے ہیں۔
باہوبلی | |
---|---|
![]() شرون بیلگول، کرناٹک میں واقع 59 فٹ اونچی گومٹیشور مورتی، جو 981ء میں بنائی گئی | |
دیگر نام | گومٹیشور، کامٹیشور |
قد | 157.5 میٹر |
ذاتی معلومات | |
پیدائش | |
وفات | |
والدین |
|
باہوبلی کے لیے وقف کی گئی مورتی گومٹیشور مورتی کی وجہ سے انھیں گومٹیشور بھی کہا جاتا ہے، چنانچہ آندھرا پردیش اور کرناٹک کے صوبوں میں واقع پرانے مندروں کے نقوش میں ان کا نام بھگوان کامٹیشور لکھا ہے۔[1][2] اس مورتی کو گنگ شاہی خاندان کے وزیر اور کمانڈر چامونڈ رائے نے بنایا تھا؛ یہ 57 فٹ (17 میٹر) اونچی مورتی بھارت کے صوبہ کرناٹک کے ضلع ہاسن میں شرون بیلگول میں ایک پہاڑی کے اوپر واقع ہے۔ اسے 981ء کے آس پاس بنایا گیا تھا۔ یہ دنیا کی سب سے بڑی بغیر سہارے کی کھڑی مورتیوں میں سے ایک ہے۔