رام ناتھ کووند

رام ناتھ كووند (پیدائش: یکم اکتوبر 1945ء) بھارتیہ جنتا پارٹی سے تعلق رکھنے والے بھارتی سیاست دان جو بھارت کے موجودہ اور چودھویں صدر جمہوریہ ہیں۔ رام ناتھ 2014ء سے 2015ء تک بہار کے گورنر،^[11] نیز 1994ء سے 2006ء تک راجیہ سبھا کے رکن رہے۔ سنہ 2017ء کے صدارتی انتخاب میں حزب اقتدار قومی جمہوری اتحاد (بھارت) (NDA) کی جانب سے صدر جمہوریہ کے لیے نامزد کیے گئے اور کامیابی حاصل کی اور 25 جولائی 2017ء کو مسند صدارت پر فائز ہوئے۔ رام ناتھ بھارت کے دوسرے دلت صدر ہیں۔^[12]

رام ناتھ کووند
(ہندی میں: रामनाथ कोविंद)[1]
مناصب
رکن راجیہ سبھا
رکن مدت اپریل 1994  – مارچ 2006
حلقہ انتخاب	اتر پردیش
گورنر بہار [2][3]
برسر عہدہ 16 اگست 2015  – 20 جون 2017
کیشری ناتھ تریپاٹھی   کیشری ناتھ تریپاٹھی
صدر بھارت [4]
برسر عہدہ 25 جولا‎ئی 2017  – 25 جولا‎ئی 2022
منتخب در	بھارتی صدراتی انتخابات 2017ء
پرنب مکھرجی   دروپدی مرمو
معلومات شخصیت
پیدائش	1 اکتوبر 1945ء (80 سال)[5][6][7][8]  کانپور دیہات ضلع
رہائش	راشٹرپتی بھون
شہریت	بھارت برطانوی ہند
جماعت	بھارتیہ جنتا پارٹی (1991–)[9]
زوجہ	سویتا کووند (1974–)[10]
تعداد اولاد	2
عملی زندگی
مادر علمی	چھترپتی شاہو جی مہاراج یونیورسٹی
پیشہ	سیاست دان ،  وکیل
اعزازات
قومی اعزاز مڈغاسکر
	IMDB پر صفحات
درستی - ترمیم

سیاست میں آنے سے قبل رام ناتھ کووند نے سنہ 1993ء تک 16 برس وکالت کی اور دہلی عدالت عالیہ اور عدالت عظمی میں بھی وکیل رہے۔^[13]

نجی زندگی

رام ناتھ كوویند کی پیدائش اتر پردیش کے کانپور ضلع کی (موجودہ میں کانپور دیہات ضلع)، تحصیل ڈیراپور کے ایک چھوٹے سے گاؤں پرونکھ میں ہوئی تھی۔ كوویند کا تعلق کوری یا کولی ذات سے ہے جو اتر پردیش میں درج فہرست ذاتوں کے تحت آتی ہے۔ وکالت کی ڈگری لینے کے بعد دہلی ہائی کورٹ میں وکالت کی ابتدا کی۔ وہ 1977ء سے 1979ء تک دہلی ہائی کورٹ میں مرکزی حکومت کے وکیل رہے۔ 8 اگست 2015ء کو بہار کے گورنر کے عہدے پر ان کا تقرر ہوا۔^[14]

سیاست

1991ء وہ میں بھارتی جنتا پارٹی میں داخل ہو گئے۔ سال 1994ء میں اتر پردیش ریاست سے راجیہ سبھا کے لیے منتخب ہوئے۔ سال 2000ء میں دوبارہ اتر پردیش ریاست سے راجیہ سبھا کے لیے منتخب ہوئے۔ اس طرح كوویند مسلسل 12 سال تک راجیہ سبھا کے رکن رہے۔ وہ بھارتیہ جنتا پارٹی کے قومی ترجمان بھی رہے۔

سماج کی خدمت

وہ بی جے پی دلت مورچہ کے قومی صدر اور آل انڈیا کولی سماج کے صدر بھی رہے۔ سال 1986ء میں دلت طبقے کے قانونی امداد بیورو کے جنرل سکریٹری بھی رہے۔

صدر بھارت

14ویں صدارتی امیدواری ملنے کے بعد انھوں نے گورنر بہار کے عہدہ سے استعفی دے دیا اور صدر بھارت پرنب مکھرجی نے ان کا استعفی قبول کیا۔ 20 جولائی 2017ء کو انھوں نے صدارتی انتخاب جیت لیا۔^[15][16]