پاکستانی اسکوائش کھلاڑی From Wikipedia, the free encyclopedia
جہانگیر خان پاکستان کے سابقہ عالمی نمبر 1 اسکواش کے کھلاڑی ہیں۔
10 دسمبر 1963ء دنیائے اسکواش کے سب سے عظیم کھلاڑی جہانگیر خان کی تاریخ پیدائش ہے۔
جہانگیر خان کراچی میں پیدا ہوئے۔ ان کا آبائی گھر نواں کلے پشاور تھا ان کے والد روشن خان خود بھی اسکواش کے معروف کھلاڑی تھے اور 1957ء میں برٹش اوپن اسکواش ٹورنامنٹ جیت چکے تھے۔ روشن خان اپنے بڑے بیٹے طورسم خان کواسکواش کا عالمی چیمپئن بنانا چاہتے تھے اور ان کی تمام توجہ بھی انھیں پر مرکوز تھی کہ 26 نومبر 1979ء کو طورسم خان وفات پاگئے۔ طورسم خان کی وفات کے بعد روشن خان نے جہانگیر خان کو اسکواش کے مقابلوں کے لیے تیار کیاجنہوں نے اپریل 1981ء میں پہلی مرتبہ برٹش اوپن اسکواش ٹورنامنٹ کا فائنل کھیلنے کا اعزاز حاصل کیا۔
جہانگیر خان پہلے برس تو برٹش اوپن نہیں جیت سکے مگر اسی برس انھوں نے اپنے ہم وطن قمر زمان کو ورلڈ اوپن اسکواش ٹورنامنٹ کے فائنل میں شکست دے کر کامیابیوں اور کامرانیوں کے اس سفر کا آغاز کیا جس کی کوئی مثال اسکواش کی دنیا میں توکجا کھیلوں کی دنیا میں بھی دور دور تک نہیں ملتی۔ جہانگیر خان 1993ء تک اسکواش کی دنیا پر راج کرتے رہے اس دوران میں انھوں نے دنیائے اسکواش کی ہر بڑی چیمپئن شپ جیتی اور 1981ء سے 1986ء تک ہر مقابلے میں ناقابل شکست رہے۔ اپنے کیریئر میں انھوں نے دس مرتبہ برٹش اوپن اور چھ مرتبہ ورلڈ اوپن اسکواش ٹورنامنٹ جیتنے کا اعزاز حاصل کیا۔ ان کا 6 مرتبہ ورلڈ اوپن اسکواش ٹورنامنٹ جیتنے کا ریکارڈ تو جان شیر خان توڑ چکے ہیں مگر ان کا 10 مرتبہ برٹش اوپن جیتنے کا ریکارڈ آج بھی برقرار ہے۔[2] جہانگیر خان کو اسکواش کی عالمی تنظیم ورلڈ اسکواش فیڈریشن کا آئندہ 4 سال کے لیے اعزازی صدر ر ہے، اس سے قبل بھی اسکواش کی عالمی تنظیم کے اعزازی صدر کے طور پر اپنی خدمات سر انجام دے چکے ہیں واضح رہے کہ جہانگیر خان انٹرنیشنل اسکواش سرکٹ میں ایک ناقابل شکست کھلاڑی تصور کیے جاتے تھے جب کہ ان کے حوالے سے یہ بھی مشہور ہے کہ انھوں نے مسلسل 555 میچز میں کامیابی کو اپنے گلے لگایا۔
| جیت (6) | ||
| سال | فائنل میں مخالف | فائنل میں اسکور |
| 1981 | جیف ہنٹ | 7–9, 9–1, 9–2, 9–2 |
| 1982 | ڈین ولیمز | 9–2, 6–9, 9–1, 9–1 |
| 1983 | کرس دیتمار | 9–3, 9–6, 9–0 |
| 1984 | قمر زمان | 9–0, 9–3, 9–4 |
| 1985 | راس نارمن | 9–4, 4–9, 9–5, 9–1 |
| 1988 | جان شیر خان | 9–6, 9–2, 9–2 |
| دوم (3) | ||
| سال | فائنل میں مخالف | فائنل میں اسکور |
| 1986 | راس نارمن | 5–9, 7–9, 9–7, 1–9 |
| 1991 | روڈنی مارٹن | 17–14, 9–15, 4–15, 13–15 |
| 1993 | جان شیر خان | 15–14, 9–15, 5–15, 5–15 |
| جیت (10) | ||
| سال | فائنل میں مخالف | فائنل میں اسکور |
| 1982 | ہدی جہاں | 9–2, 10–9, 9–3 |
| 1983 | جمال اعواد | 9–2, 9–5, 9–1 |
| 1984 | قمر زمان | 9–0, 9–3, 9–5 |
| 1985 | کرس دیتمار | 9–3, 9–2, 9–5 |
| 1986 | راس نارمن | 9–6, 9–4, 9–6 |
| 1987 | جان شیر خان | 9–6, 9–0, 9–5 |
| 1988 | روڈنی مارٹن | 9–2, 9–10, 9–0, 9–1 |
| 1989 | روڈنی مارٹن | 9–2, 3–9, 9–5, 0–9, 9–2 |
| 1990 | روڈنی مارٹن | 9–6, 10–8, 9–1 |
| 1991 | جان شیر خان | 2–9, 9–4, 9–4, 9–0 |
| دوم (1) | ||
| سال | فائنل میں مخالف | فائنل میں اسکور |
| 1981 | جیف ہنٹ | 2–9, 7–9, 9–5, 7–9 |
 |
ویکی ذخائر پر جہانگیرخان سے متعلق سمعی و بصری مواد ملاحظہ کریں۔ |
| کھیلوں کے عہدے | ||
|---|---|---|
| ماقبل | عالمی نمبر 1 جنوری 1982 - دسمبر 1987 نومبر 1988 - اکتوبر 1989 مارچ 1990 - اپریل 1990 جولائی 1990 - اکتوبر 1990 جنوری 1992 - اپریل 1992 جولائی 1992 - دسمبر 1992 |
مابعد |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
.gif){kind=small}
