بحیرہ بالٹک

بحیرہ بالٹک شمالی یورپ کا ایک سمندر ہے جو جزیرہ نما اسکینڈے نیویا(سکاندیناویا)، برعظیم شمالی، مشرقی اور وسطی یورپ اور ڈینش جزائر سے گھرا ہوا ہے۔ یہ بحیرہ آبنائے اوریسنڈ(اورے سوند) اور خلیج کیٹیگٹ (کاتتے گات)کے ذریعے بحیرہ شمال سے منسلک ہے۔

بحیرہ بالٹک کا نقشہ

انگریزی کے علاوہ دیگر تمام جرمینک زبانوں میں یہ بحیرہ مشرق جبکہ بالٹو۔ فنک زبانوں مثلا اسٹونین میں یہ بحیرہ مغرب کہلاتا ہے۔ انگریزی میں بحیرہ بالٹک کا لفظ دراصل لاطینی لفظ Balticum سے نکلا ہے فرانسیسی، اطالوی، پرتگیزی، ہسپانوی، پولش، بلغاری، روسی اور دیگر زبانوں میں اسے بالٹک ہی کہا جاتا ہے۔

اس سمندر 1610 کلومیٹر طویل اور اوسطا 193 کلومیٹر چوڑا ہے۔ اس کی اوسط گہرائی 55 میٹر (180 فٹ) ہے اور زیادہ سے زیادہ گہرائی 459 میٹر (1506 فٹ) ہے۔ اس کا سطحی رقبہ 377،000 مربع کلومیٹر اور حجم 21 ہزار مکعب کلومیٹر ہے۔ اس کے ساحلوں کی لمبائی 8 ہزار کلومیٹر ہے۔

یہ سمندر روسی تیل کی برآمد کی اہم ترین تجارتی آبی گذرگاہ ہے۔

بحیرہ بالٹک کے کنارے واقع ممالک میں ڈنمارک(دانمارک)، اسٹونیا(ایستونیا)، فن لینڈ(فنلاند/سوؤمی)، جرمنی، لٹویا(لات وِیا)، لتھووینیا(لیتوانیا)، پولینڈ، روس اور سوئیڈن(سوَے رئیے) شامل ہیں۔

سینٹ پیٹرز برگ (سانت پیترس بورگ)(روس)، اسٹاک ہوم (سوئیڈن)، ریگا (لیٹویا)(لات وِیا)، ہیلسنکی (فن لینڈ/سوؤمی)، کوپن ہیگن (ڈنمارک)، ٹالن (اسٹونیا) اور مالمو (سوئیڈن) اس کے کنارے بڑے شہر ہیں۔

تصاویر

• 
  بحیرہ بالٹک، پولینڈ
• 
  بحیرہ بالٹک سرما میں
• 
  بحیرہ بالٹک
• 
  ساحل، پولینڈ
• 
  آواز کی بحری جنگ
• 
  کاپ آرکونا جلتے ہوئی
• 
  بحیرہ بالٹک
• 
  بحیرہ بالٹک، لتھووانیا
• 
  بحیرہ بالٹک

ویکی ذخائر پر بحیرہ بالٹک سے متعلق سمعی و بصری مواد ملاحظہ کریں۔