12 جنوری 2016ء کو ترکی کے شہر استنبول میں ہونے والا خودکش حملہ From Wikipedia, the free encyclopedia
12 جنوری 2016 کو ترکی کے مقامی وقت 10:20 بجے ایک خودکش بمبار نے استنبول کے معروف تاریخی مقام سلطان احمد سکوائر پر نیلی مسجد کے قریب خود کو دھماکے سے اڑالیا جس میں کم از کم کل گیارہ افراد ہلاک ہوئے جبکہ 15 زخمی ہوئے۔ حملہ اور سعودی نژاد نبیل فضلی، شامی باشندہ تھا، جو داعش کا رکن تھا۔[2]
سلطان احمد چوراہے پر اس سے پہلے آخری حملہ 6 جنوری 2015ء کو ہوا تھا، جب ایک خودکش حملہ آور نے پولیس اسٹیشن پرخود کو اڑا لیا تھا۔ جس کی ذمہ داری پہلے انقلابی پیپلز لبریشن پارٹی/فرنٹ نے قبول کی تھی، مگر بعد میں انکار کر دیا تھا۔[3] بعد میں تحقیق سے پتا چلا کہ، حملہ آور چیچن نژاد روسی شہری تھا، جس کے روابط داعش سے تھے۔[4]
ترکی میں 2015ء میں 2 بڑے دہشت گردی کے واقعات ہوئے، پہلا جولائی میں شامی سرحد کے قریب سوروچ میں، جہاں خودکش حملہ میں، 33 ہلاکتیں ہوئیں، دوسرا حملہ اگست میں، انقرہ ریلوے اسٹیشن میں ہوا جس میں 100 سے زائد افراد ہلاک ہوئے۔ ترکی کے استغاثہ دفتر نے ان حملوں کا ذمہ دار، داعش کے مقامی گروہ کو قرار دیا۔[5]
حملہ ترکی کے مقامی وقت کے مطابق دن 10:20 (یو ٹی سی:08:20) پر ہوا۔[2] حملہ آور نے تاریخی پارک میں کھڑے ایک سیاحوں کے گروہ کے پر جا کر خود کو اڑا دیا۔[7] یہ دھماکا اس تاریخی پارک میں کیا گیا، جہاں قریب ہی نیلی مسجد اور تھیوڈوسی ستون واقع ہیں،[8][9][10] دھماکے کی آواز اردگرد کے محلوں میں بھی سنی گئی۔[11] پولیس نے اس علاقہ کو مستود کر دیا اور قریب ہی موجود ٹرام نقل و حمل کو دوسرے حملہ کے خدشہ سے روک دیا۔[2] واقعہ کے بعد اس مقام کی تصاویر سماجی روابط پر گردش کرتی رہی۔[7]
خبری ذرائع کے مطابق خودکش حملہ آور کو ملا کر گیارہ افراد ہلاک اور 15 افراد زخمی ہوئے۔ ہلاک ہونے والوں میں جرمنی کے 9 اور پیرو کا ایک سیاح شامل ہے۔[12] زخمی ہونے والوں میں جرمنی کے 6، ناروے، پیرو اور شمالی کوریا کا ایک ایک سیاح شامل ہیں۔[6]
وزیر اعظم ترکی، احمد داؤد اوغلو نے اپنے بیان میں کہا کہ۔ حملہ آور 28 سالہ نبیل فضلی، شامی تھا، جو داعش کا رکن تھا۔ انھوں نے کہا کہ حملہ آور ہمارے زیر نظر نہ تھا اور حال ہی میں ترکی میں داخل ہوا تھا۔ اوغلو نے جرمنی کی سربراہ اینجیلا مرکل کو مخاطب کرتے ہوئے جرمنی کے شہروں کی ہلاکت پر افسوس کا اظہار کیا۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.