![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/01/Blushing_girl_0001.jpg/640px-Blushing_girl_0001.jpg&w=640&q=50)
شرما جانا
From Wikipedia, the free encyclopedia
شرما جانا (انگریزی: Blushing) عام طور سے شرمانا سے اس معاملے میں مختلف ہے کہ اس میں کسی جھجک یا تردد سے کہیں زیادہ ایک نفسیاتی کیفیت ہے جس میں عمومًا کسی شخص کا چہرہ لال ہو جاتا ہے۔ یہ عام طور سے غیر رضا کارانہ طور پر ہوتا ہے اور یہ جذباتی تناؤ کی وجہ سے ہوتا ہے، جس میں حد سے زیادہ الفت، شرمندگی، شرمیلاپن، غصہ یا کوئی اور رومانی زاویہ ممکن ہے۔
![](http://upload.wikimedia.org/wikipedia/commons/thumb/0/01/Blushing_girl_0001.jpg/640px-Blushing_girl_0001.jpg)
حد سے زیادہ شرما جانا ان لوگوں میں عام ہے جو بہت زیادہ اور مسلسل سماجی تجسس یا ذاتی تجسس محسوس کرتے ہیں اور کسی صورت حال کا حصہ بنتے ہیں۔
کچھ لوگ افسانوں اور ادب میں عمومًا کھل کر محبت، انسانی تعلقات، رومانیت اور جنسی تعلقات پر بحث کے موضوع پر شرما جاتے ہیں اور اس کے لزوم کو کے ممنوع موضوع بحث سمجھتے ہیں۔ تاہم سماجی موضوعات پر لکھنے والے اہل قلم اس بات سے اتفاق نہیں رکھتے ہیں۔ ان میں اردو زبان کے معروف افسانہ نگار ناصر صدیقی بھی ہیں، جو اس شرما جانے کے احساس کے بارے میں اپنے ایک انٹرویو میں کہتے ہیں:
” | کیا ایک اٹھارہ سال کا لڑکا، جو ایسے معاشرے میں قید تھا جہاں "عورت" دیکھنا اتنا آسان نہ تھا جب اسے کسی حادثے کے طور پر کچھ عرصے کے لیے اترائیاں، چڑھائیاں اور جسمانی ساختیں دیکھنے کو ملیں تو وہ شرما جائے گا یا اس کی جنسی فطرت جاگ جائے گی؟ میرا بچپن اور لڑکپن ایک بند اور باپردہ معاشرے میں گذرا تھا۔بعد میں ایک بڑے شہر نے بہت کچھ دکھلادیا اور بتلا بھی دیا[1]! | “ |