بنگلہ دیش پریمیئر لیگ 2022-23ء
کرکٹ ٹورنامنٹ / From Wikipedia, the free encyclopedia
بنگلہ دیش پریمیئر لیگ 2023ء جو بی پی ایل 9 بھی کہلاتی ہے، بنگلہ دیش پریمیئر لیگ (BPL) کا نواں سیزن تھا جو بنگلہ دیش کرکٹ بورڈ (BCB) کے زیر اہتمام اعلیٰ سطح کی ایک پیشہ ورانہ ٹی ٹوئینٹی کرکٹ لیگ ہے۔ جولائی 2022 میں جب انٹرنیشنل کرکٹ کونسل نے اپنے فیوچر ٹورز پروگرام میں اس لیگ کے لیے جنوری اور فروری کے مہینے کو ایڈجسٹ کیا تو بی سی بی نے بی پی ایل کے اگلے تین سیزنز کے شیڈول کا اعلان کیا۔[1] جس کے مطابق لیگ کے نویں سیزن کا انعقاد 5 جنوری سے 16 فروری 2023 میں ہونا تھا۔[2] بی سی بی نے اس سیزن سے ٹیموں کی تعداد 7 تک بڑھانے اور 3 سال کے لیے فرنچائز کے حقوق فروخت کرنے کا بھی فیصلہ کیا۔[3]
تاریخ | 6 جنوری – 16 فروری 2023ء |
---|---|
منتظم | بنگلہ دیش کرکٹ بورڈ |
کرکٹ طرز | ٹی ٹوئینٹی |
ٹورنامنٹ طرز | راؤنڈ روبن اور پلے آف |
میزبان | بنگلہ دیش |
فاتح | کومیلا وکٹورینز (4 بار) |
رنر اپ | سلہٹ سٹرائیکرز |
شریک ٹیمیں | 7 |
کل مقابلے | 46 |
بہترین کھلاڑی | نجم الحسین شانتو (سلہٹ سٹرائیکرز) |
کثیر رنز | نجم الحسین شانتو (516) |
کثیر وکٹیں | تنویر اسلام (17) حسن محمود (17) |
باضابطہ ویب سائٹ | bplt20 |
→ 2021–22 2023–24 ← |
بی سی بی نے ستمبر 2022 میں فرنچائز مالکان کی فہرست کا اعلان کیا۔ پچھلی چھ فرنچائزز میں سے پانچ نے ملکیت برقرار رکھی اور دو سیزن کے بعد رنگپور رائیڈرز کی واپسی ہوئی۔[4] 24 دسمبر 2022 کو بی سی بی نے اس سیزن کے لیے فکسچر کا اعلان کیا جس کے مطابق گروپ مرحلے میں فی دن دو مقابلے کھیلے جائیں گے اور تمام ناک آؤٹ مقابلوں کے لیے ریزرو دن ہوں گے۔[5]