ٹوئنٹی20 کرکٹ

ٹوئنٹی/20 کرکٹ نئی طرز کی کرکٹ ہے جو 2003ء میں برطانیہ میں شروع کی گئی۔ اس طرز کی کرکٹ میں دونوں ٹیمیں بیس بیس (20) اوورز پر مشتمل ایک ایک اننگز کھیلتی ہیں۔

ٹوئنٹی/20 کرکٹ میچ کا ایک منظر

ٹوئنٹی/20 کرکٹ کا ایک میچ تین گھنٹوں میں ختم ہوتا ہے اور ایک اننگز یا باری تقریباً 75 منٹوں میں ختم ہوتی ہے۔ اس طرز کی کرکٹ شروع ہی سے لوگوں کی توجہ کا مرکز بنی ہے کیونکہ اس کا ایک میچ کا دورانیہ دوسرے مشہور کھیلوں جتنا ہے۔

ٹوئنٹی/20 کرکٹ کا پہلا عالمی کپ 2007ء میں جنوبی افریقا میں منعقد کیا گیا جس میں بھارت نے پاکستان کو 5 رنز سے شکست دی۔اس کے بعد اگلے عالمی کپ 2009ء میں انگلینڈ میں منعقد ہوا جس میں پاکستان نے سری لنکا کو 39 رنز سے شکست دی۔ اس کے بعد اگلے عالمی کپ میں 2010ء میں انگلینڈ فتح یاب ہوا اور 2012ء میں سری لنکا میں ویسٹ انڈیز اور آئی سی سی ٹی/20 عالمی کپ 2014ء میں سری لنکا نے عالمی کپ اپنے نام کیا اور 2016ء آئی سی سی عالمی ٹی ٹوئینٹی کا عالمی کپ دوبارہ سے ویسٹ انڈیز کے نام رہا آئی سی سی ٹی/20 عالمی کپ 2021ء کے عالمی کپ میں آسٹریلیا نے نیوزی لینڈ کو شکست دے کر پہلی بار یہ کپ اپنے نام کیا اور آئی سی سی ٹی/20 عالمی کپ 2022ء میں انگلینڈ کی کرکٹ ٹیم نے فائنل میں پاکستان کو شکست دے کر دوسری بار ٹائٹل اپنے نام کر لیا۔

بین الاقوامی

تفصیلی مضمون کے لیے ٹوئنٹی20 بین الاقوامی ملاحظہ کریں۔

عالمی ٹوئنٹی/20 2005ء سے کھیلے جا رہے ہیں۔ دنیا میں 17 ٹیمیں بشمول ٹیسٹ ٹیمیں اس طرز کی کرکٹ کھیل چکی ہیں۔

ملک	پہلا عالمی ٹوئنٹی/20 میچ
آسٹریلیا	17 فروری 2005
نیوزی لینڈ	17 فروری 2005
انگلینڈ	13 جون 2005
جنوبی افریقا	21 اکتوبر 2005
ویسٹ انڈیز	16 فروری 2006
سری لنکا	15 جون 2006
پاکستان	28 اگست 2006
بنگلادیش	28 نومبر 2006
زمبابوے	28 نومبر 2006
بھارت	1 دسمبر 2006
کینیا	1 ستمبر 2007
اسکاٹ لینڈ	12 ستمبر 2007
نیدرلینڈز	2 اگست 2008
آئرلینڈ	2 اگست 2008
کینیڈا	2 اگست 2008
برمودا	3 اگست 2008
افغانستان	2 فروری 2010

عالمی ٹوئنٹی/20 درجہ بندی

{{ICC T20I http://www.icc-cricket.com/team-rankings/t20i rankings}}

قوانین

کرکٹ کے کچھ قوانین اس طرز کی کرکٹ پر بھی لاگو ہوتے ہیں:

• ایک گیند باز زیادہ سے زیادہ چار (4) اوور کرا سکتا ہے۔
• 20 اوور 75 منٹ میں ختم نہ کرنے کی صورت میں امپائر بلے بازی کرنے والی ٹیم کے مجموعہ اسکور میں 6 رنز کا اضافہ کر سکتا ہے۔
• ایک وقت میں 5 سے زیادہ کھلاڑی لیگ سا‎ئیڈ پر کھڑے نہیں ہو سکتے۔
• پہلے 6 اوور میں دو سے زیادہ کھلاڑی 30 گز کے دائرے سے باہر کھڑے نہیں ہو سکتے۔
• پہلے 6 اوور کے بعد صرف پانچ (5) کھلاڑی دائرے سے باہر فیلڈ کر سکتے ہیں۔
• ہر میچ کا فیصلہ ضروری ہے۔ میچ کے اختتام پر اگر میچ برابر رہے تو میچ کا فیصلہ سپر اوور کے ذریعے کرایا جاتا ہے، اس ایک اوور کے نتیجے کے مطابق میچ کا فیصلہ کیا جاتا ہے۔ اس سے پہلے برابر میچ کا فیصلہ باؤل آؤٹ کی صورت میں ہوتا تھا جس میں ہر ٹیم کے پانچ گیند باز وکٹ کی طرف گیند بازی کرتے تھے اور سب سے زیادہ مرتبہ وکٹوں کو مارنے والی ٹیم فاتح قرار پاتی تھی۔
• نو بال کرانے کی صورت میں اگلی گیند "فری ہٹ" قرار پائے گی۔
  • فری ہٹ پر بلے باز رن آؤٹ کے علاوہ آؤٹ نہیں ہو سکتا۔

مزید دیکھیے

حوالہ جات

ویکی ذخائر پر ٹوئنٹی20 کرکٹ سے متعلق سمعی و بصری مواد ملاحظہ کریں۔