From Wikipedia, the free encyclopedia
Айрат Ситдыйков, Айрат Габит улы Ситдыйков (1973 елның 24 гыйнвары, ССРБ, РСФСР, Татарстан АССР, Әтнә районы Олы Әтнә) — археолог, Казан һәм урта гасырлар Идел буе археологиясе буенча белгеч, ТР ФА Археология институты директоры (2014 елдан). ТР дәүләт премиясе (техника һәм фән өлкәсендә) лауреаты (2008, 2020), Габдулла Тукай исемендәге дәүләт премиясе лауреаты (2016). ТР атказанган мәдәният хезмәткәре (2014). Татарстан Республикасының Атказанган фән эшлеклесе (2019). «Поволжская археология» (2016 елдан) һәм «Археология евразийских степей» журналларының баш мөхәррире.[2] Татарстан Республикасы Фәннәр академиясе академигы (2023).[3]
| Айрат Ситдыйков | |
|---|---|
 | |
| Туган телдә исем | Айрат Габит улы Ситдыйков |
| Туган | 24 гыйнвар 1973 (51 яшь) ССРБ, РСФСР, ТАССР Әтнә районы Олы Әтнә авылы |
| Яшәгән урын | Татарстан урамы, Казан[1] |
| Милләт | татар |
| Ватандашлыгы |  ССРБ→ Россия |
| Әлма-матер | Татар дәүләт гуманитар-педагогика университеты |
| Һөнәре | тарихчы-археолог |
| Бүләк һәм премияләре |    ТР дәүләт премиясе (техника һәм фән өлкәсендә) |
| Гыйльми дәрәҗә: | тарих фәннәре докторы[d] |
| Гыйльми исем: | доцент[d] |
1973 елның 24 гыйнварында Татарстан АССР Арча районы (1990 елдан Әтнә районы) Олы Әтнә авылында туган. Казан дәүләт педагогия институтының тарих факультетын (1996), ТР ФА Тарих институтында аспирантура (1999) тәмамлаган. «XI-XVIII гасырларда Казан кирмәне стратиграфиясе, хронологиясе һәм топографиясе» темасына кандидатлык (2000, фәнни җитәкче Фаяз Хуҗин), «Урта гасырларда Казан: тарихи-археологик тикшеренүләр (XI гасыр-XVI гасырның беренче яртысы)» темасына докторлык (2013) диссертацияләре яклаган.
1993 елдан Казан кирмәне археология экспедициясе даими хезмәткәре.
1997 елдан «Казан кирмәне» музей-тыюлыгы фәнни бүлегендә: I категорияле белгеч, әйдәүче белгеч (1999), баш белгеч (2000).
1998—2000 елларда Татар дәүләт гуманитар-педагогика университетында укыта.
2001 елдан Казан шәһәре архитектура һәм шәһәр төзелеше баш идарәсе каршындагы тарихи һәм мәдәни ядкәрләрне саклау һәм куллану буенча дәүләт контроле идарәсенең археология күзәтүе бүлеге башлыгы.
2004 елдан ТР ФА Ш. Мәрҗани исемендәге Тарих институтының археологик эзләнүләр милли үзәге (2014 елдан ТР ФА А. Халиков исемендәге Археология институты) мөдире (директоры).
2007—2010 елларда Казан дәүләт университетының этнография һәм археология кафедрасы мөдире.
2010—2011 Казан (Идел буе) федераль университетының этнография һәм археология кафедрасы мөдире.
2013 елдан Казан (Идел буе) федераль университетынының Халыкара мөнәсәбәтләр, тарих һәм Көнчыгышны өйрәнү институты этнология һәм археология кафедрасы мөдире.
2014 елдан ТР ФА «Археология институты» аерымланган бүлекчәсе җитәкчесе.
Урта гасырлар Идел буе археологиясе (Казан ханлыгы археологиясе мәсьәләләре).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
