Ang San Nicolas ay isa sa labing-anim na distrito ng lungsod ng Maynila sa Pilipinas. Matatagpuan ito sa kanlurang gitnang bahagi ng lungsod, sa hilagang pampang ng Ilog Pasig[1] na pinapaligiran ng mga distrito ng Binondo sa silangan, at Tondo sa hilaga at kanluran. Tinuturing pamanang distrito ng Maynila,[2] pinanatili ng pamayanang ito ang ika-19 na dantaong mga lumang bahay, na sinisimbolo ang mga tao na tumira doon, katulad ng mga lumang bahay ng Silay at Vigan.
Noong pambansang senso ng Mayo 1, 2010, umabot ang populasyon ng San Nicolas sa is 44,241 na may 15 barangay na may pangalang numero mula 268 hanggang 276 at mula 281 hanggang 286.[3]
Kasaysayan
Ang San Nicolas ay orihinal na isang bayan na pangisdaan na may pangalang Baybay, na sa ibang salitang Tagalog ay nangangahulugang pampang o baybayin.[4] Binanggit ni Regalado Trota Jose, isang dalubhasa sa kasaysayan, ang San Nicolas sa kanyang aklat tungkol sa mga kampana bilang ang dating bayan ng Baybay noong huling bahagi ng ika-16 na dantaon.[2] Ang San Nicolas ay ang kanlurang bahagi ng unang Nayong Tsino sa Pilipinas, marahil sa mundo.[5] Binondo ang silangang bahagi ng Nayong Tsino, na itinatag noong 1594 ni Goobernador-Heneral Luis Perez Dasmariñas.[5] Dumating ang Orden ng Dominikano sa kanlurang bahagi ng Nayong Tsino noong 1596[5] at itinatag ang San Nicolas noong 1598.[2] Ito ang unang misyon ng mga Dominikano sa labas ng Intramuros.[2]
Noong 1901, sa panahon ng kolonisasayon ng mga Amerikano sa Pilipinas, kinimisyon ang Amerikanong arkitekto at urbanong tagaplanong si Daniel Burnham upang gawin ang Plano ng Maynila.[6] Nagresulta ang plano sa paggawa ng mga lugar at parokya na kinabibilangan ng San Nicolas.[7] Sa makabagong panahon, isa ang San Nicolas sa mga administratibong distrio ng Maynila at bahagi ng ikatlong distritong pambatas ng Maynila.[8] Naging karugtong ang San Nicolas ng pamayanang Tsinong Pilipino sa Binondo.[9]
Mga barangay
| Barangay | Populasyon (2010)[3] |
|---|---|
| Barangay 268 | 1,701 |
| Barangay 269 | 734 |
| Barangay 270 | 1,162 |
| Barangay 271 | 515 |
| Barangay 272 | 1,917 |
| Barangay 273 | 876 |
| Barangay 274 | 1,969 |
| Barangay 275 | 20,932 |
| Barangay 276 | 2,706 |
| Barangay 281 | 2,787 |
| Barangay 282 | 1,215 |
| Barangay 283 | 2,138 |
| Barangay 284 | 1,031 |
| Barangay 285 | 1,225 |
| Barangay 286 | 3,333 |
Mga sanggunian
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
