From Wikipedia, the free encyclopedia
Ang Unibersidad ng Malta (Maltes: L-Università ta' Malta; Ingles: University of Malta) ay ang pinakamataas na institusyon ng edukasyon sa Malta. Nag-aalok ito ng mga kwalipikasyon sa antas undergraduate, gradwado at postgradong doktorado (PhD). Ito ay miyembro ng European University Association, European Access Network, Association of Commonwealth Universities, Utrecht Network, Santander Network, Compostela Grupo, European Association for University Lifelong Learning (EUCEN) at International Student Exchange Programme (ISEP) (ISEP).[1] Dinadaglat ang post-nominal ng pangalan ng Unibersidad bilang Melit; isang pinaikling porma ng Melita (Latinisadong anyo ng Griyegong Μελίτη).
Ang full-time na pag-aaral sa antas undergraduate ay libre para sa mga mamamayan ng Malta at Unyong Europeo (EU). Ang mga Maltese na mag-aaral ay nakakatanggap ng kaunting halaga (stipend). Ang mga bayarin ay sinisingil sa mga mas mataas na kurso at sa mga mamamayan ng mga bansang nasa labas ng EU. Mayroong 600 internasyonal na mag-aaral sa unibersidad, na bumubuo sa 7% ng populasyon ng mag-aaral.