Tadyang
From Wikipedia, the free encyclopedia
Sa anatomiya ng mga bertebrado, ang mga tadyang[1] (Ingles: mga rib, Latin: costae) ay ang mahahabang nakabaluktot na mga butong bumubuo sa kulungang tadyang. Sa karamihan ng mga bertebrado, nakapaligid ang mga tadyang sa dibdib (Ingles: chest, Griyego: θώραξ, Latin thorax) at pumuprutekta o sumasanggalang sa mga baga, puso, at iba pang mga panloob na organo ng toraks. Sa ilang mga hayop, partikular na ang mga ahas, maaaring sumusuporta at proteksiyon ang mga tadyang para sa buong katawan.