![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/16/Illu_lower_extremity.jpg/640px-Illu_lower_extremity.jpg&w=640&q=50)
Suklob-tuhod
From Wikipedia, the free encyclopedia
Ang suklob ng tuhod, saklob ng tuhod, taklob ng tuhod, o patela (Ingles: patella, knee cap, kneepan) ay ang butong pantakip o takip na buto sa sugpungan ng tuhod na kahugis ng maliit na biluging platito o disko.[1][2] Nakasingit o nakasabad ito sa tendong nagdirikit ng muskulong kuwadrisep ekstensor ng harap ng hita sa pang-itaas na dulo ng tibya. Tinatawag na ligamentong patelar ang karugtong o ekstensiyong tendon mula sa suklob-tuhod hanggang sa tibya. Nababanat ang balat ng katawan na nasa ibabaw ng suklob ng tuhod kapag nakabaluktot ang tuhod. Sa ganitong posisyon o puwesto ng tuhod, karaniwang nakapagdurulot ng mahabang sugat na katulad ng hiwa ang anumang pagtama o pagbagsak. Maaari ring mapinsala o mabali ang buto dahil sa pagtama o biglaang pagsubok na ituwid ang binti.[2]
![Thumb image](http://upload.wikimedia.org/wikipedia/commons/thumb/1/16/Illu_lower_extremity.jpg/320px-Illu_lower_extremity.jpg)
![Thumb image](http://upload.wikimedia.org/wikipedia/commons/thumb/1/18/Patella_ant.jpg/320px-Patella_ant.jpg)
![Thumb image](http://upload.wikimedia.org/wikipedia/commons/thumb/e/ef/Patella_post.jpg/320px-Patella_post.jpg)