Daang NAIA

Ang Daang NAIA (Ingles: NAIA Road; Ninoy Aquino International Airport Road dating Daang MIA o MIA Road), o Daan ng Paliparang Pandaigdig ng Maynila (Manila International Airport Road), ay isang maiksing lansangang may walo hanggang sampung linya at may pangitnang harangan na nag-uugnay ng Bulebar Roxas at Manila–Cavite Expressway (R-1) sa Paliparang Pandaigdig ng Ninoy Aquino (o NAIA) sa timog-kanlurang Kalakhang Maynila, Pilipinas. Isa din itong pangunahing daang panlungsod na nag-uugnay ng mga lungsod ng Pasay at Parañaque sa haba ng mga 2.5 kilometro (1.6 milya) mula sa kanlurang dulo nito sa Bulebar Macapagal sa Bay City, Baranggay Tambo, Parañaque, hanggang sa silangang dulo nito sa may pasukan ng NAIA Terminal 2 sa Pasay. Pagdaan, babagtasin nito ang Bulebar Roxas, Abenida Elpidio Quirino, Domestic Road, at Abenida Ninoy Aquino.

Daang NAIA NAIA Road
Daang MIA (MIA Road)
Daang NAIA sa Lungsod ng Pasay at Lungsod ng Parañaque, kasama ang NAIA Expressway.
Impormasyon sa ruta
Haba	2.5 km (1.6 mi)
Bahagi ng	N194
Pangunahing daanan
Dulo sa kanluran	Bulebar Macapagal sa Bay City
	N61 (Bulebar Roxas) / E3 (CAVITEx) N62 (Abenida Elpidio Quirino) N193 (Domestic Road) N195 (Abenida Ninoy Aquino)
Dulo sa silangan	Terminal 2 ng Paliparang Pandaigdig ng Ninoy Aquino
Lokasyon
Mga pangunahing lungsod	Parañaque at Pasay
Sistema ng mga daan
Mga daanan sa Pilipinas Mga lansangan Mga mabilisang daanan Talaan

Matatagpuan sa sangandaan nito sa Bulebar Macapagal ang Southwest Integrated Terminal na para sa mga bus papuntang Kabite at kanlurang Batangas. Matatagpuan ito sa may Coastal Mall.^[1] Dumadaan ang NAIA Expressway sa ibabaw ng bahagi ng daan mula Bulebar Roxas/Manila–Cavite Expressway hanggang Electrical Road sa tabi ng Ilog Parañaque. Ang nasabing mabilisang daanan ay magbibigay ng mas-mainam na daan papunta sa lahat ng apat ng mga terminal ng NAIA, gayundin sa pook-sugalan ng Entertainment City, Parañaque.^[2]

Dating tinawag na Daang MIA (MIA Road) ang Daang NAIA, at pinalitan ito ng pangalan noong 1987, kung kailan ang Paliparang Pandaigdig ng Maynila (MIA o Manila International Airport) ay naging Paliparang Pandaigdig ng Ninoy Aquino (NAIA o Ninoy Aquino International Airport).

Daang NAIA sa kanluran ng Bulebar Roxas, noong 2013 bago ang pagpapatayo ng NAIA Expressway

Tingnan din

• NAIA Expressway
• Talaan ng mga lansangan sa Kalakhang Maynila

Mga sanggunian

1. "Cavite, Batangas buses stop at Parañaque terminal starting Aug 6". Rappler. Inarkibo mula sa orihinal noong 24 Agosto 2013. Nakuha noong 19 Oktubre 2013.{{cite web}}: CS1 maint: date auto-translated (link)
2. "NAIA Expressway project breaks ground". Philippine Daily Inquirer. Nakuha noong 29 Oktubre 2013.{{cite news}}: CS1 maint: date auto-translated (link)

14°31′0″N 120°59′59″E