Mnemosyne
From Wikipedia, the free encyclopedia
Sa mitolohiyang Griyego, si Mnemosyne ay ang babaeng Titan na personipikasyon ng alaala o memorya. Ang mga magulang niya ay sina Gaia at Uranos. Mula kay Zeus, nagkaroon siya ng siyam na mga anak na babaeng kung tawagin ay ang mga Musa ng Panitikan, na sina:
- Calliope (Panulaang Epiko)
- Clio (Kasaysayan)
- Erato (Panulaan ng Pag-ibig)
- Euterpe (Musika)
- Melpomene (Trahedya)
- Polyhymnia (Mga Himno)
- Terpsichore (Sayaw)
- Thalia (Komedya)
- Urania (Astronomiya)
Nagmula sa pangalan ni Mnemosyne ang salitang mnemoniko (Ingles: mnemonic,[1]) Ang tatak niya bilang patron ay isang maskara at madalas siyang nakikitang may suot nito. Ang kaniyang hayop na patron ay ang ibong nasa mag-anak na Phasianidae (mga partridge sa Ingles) na kapamilya ng mga pugo.