![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/34/Melpomene_Louvre.jpg/640px-Melpomene_Louvre.jpg&w=640&q=50)
Melpomene
From Wikipedia, the free encyclopedia
Sa mitolohiyang Griyego, si Melpomene (Griyego: Μελπομένη, "umawit" o "ang isang may [matamis na] himig") ay isang diyosang anak ni Zeus at Mnemosyne. Kasama ng kanyang walo pang mga kapatid na babae, isa siya sa mga musa o patron ng mga sining at mga agham. Sa partikular, siya ang Musa ng Trahedya na may sagisag na maskara ng trahedya at ng kasuotan sa paang buskin o cothurnus, isang sapin sa paa na alanganing bota o sandalyas na isinusuot ng sinaunang mga aktor ng trahedya sapagkat umaabot hanggang sa pagitan ng tuhod at sakong.[1] Malimit din siyang inilalarawang may hawak na batuta o patalim sa isang kamay, habang nasa isang kamay ang maskara ng trahedya. Sa ulo, nilalagyan siya ng isang korona ng sipres.
![Thumb image](http://upload.wikimedia.org/wikipedia/commons/thumb/3/34/Melpomene_Louvre.jpg/640px-Melpomene_Louvre.jpg)