From Wikipedia, the free encyclopedia
Ang isang mambubulo, tagabulo, tagapagbulo, o polinador (Ingles: pollinator) ay isang hayop na nililipat ang polen mula sa lalaking antera ng isang bulaklak tungo sa babaeng karpelo (o supot-suputan ng obulo) ng isang bulaklak.[1] Tinutulugan nito ang pagkakaroon ng pertilisasyon ng mga obulo sa bulaklak sa pamamagitan ng lalaking gameto mula sa mga butil ng polen o bulo. Bagaman napagkakalituhan, ang isang polinador ay kaiba mula sa isang polenisador (binabaybay ding polinisador, o tagapagpolinisa) na isang halaman na pinanggagalingan o napagkukuna ng bulo para sa proseso ng polinisasyon.
Kabilang sa mga mambubulong kulisap ang bubuyog, putakting nambubulo (Masarinae), langgam, langaw at lamok. Mambubulo din ng mga halaman ang mga bertebrado, pangunahin ang mga paniki at ibon, subalit mayroon din sa ilang Mga hindi paniking mamalya (mga unggoy, lemur o kago, possum o sarigeya, daga o rodentia) at ilang butiki. Maaring artipisyal na mambubulo din ang mga tao.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.