Linyang Ueno–Tokyo
From Wikipedia, the free encyclopedia
Ang Linyang Ueno–Tokyo (上野東京ライン, Ueno–Tōkyō Rain), na dating kilala bilang Kumukonektang Linyang Tōhoku (東北縦貫線, Tōhoku-Jūkan-sen), ay isang linya ng riles sa Tokyo, Hapon, na pinapatakbo ng kumpanyang riles na East Japan Railway Company (JR East), na kinukunekta ang Himipilan ng Ueno at Himpilan ng Tokyo, na nagpapalawak ng mga serbisyo ng Linyang Utsunomiya, ang Linyang Takasaki, at ang Linyang Joban patungong timog at papunta sa Pangunahing Linyang Tokaido[1][2] at pabalik. Nagsimula ang proyekto noong Mayo 2008.[3] Binuksan ang linya noong Marso 14, 2015 sa isang nabagong tinakdang talaorasan,[4] at nagkakahalaga ang proyekto ng JPY 40 bilyon.[1]
Linyang Ueno–Tokyo | |
---|---|
Isang seryeng E233-3000 na EMU, isa sa mga uri ng tren na ginagamit ng Linyang Ueno–Tokyo | |
Buod | |
Katutubong pangalan | 上野東京ライン |
Uri | Pampasaherong tren |
Kalagayan | Tumatakbo |
Lokasyon | Tokyo |
Operasyon | |
Binuksan noong | Marso 14, 2015 |
(Mga) Nagpapatakbo | JR East |
Teknikal | |
Luwang ng daambakal | 1,067 mm (3 ft 6 in) |
Inasahan ang diretsong paglalakbay upang mapagaan ang kasikipan sa Linyang Yamanote at Linyang Keihin-Tōhoku, at nabawasan ang oras ng paglalakbay ng 7 hanggang 10 minuto dahil sa mga tuluy-tuloy na mga tren sa pagitan ng mga linya ng Utsunomiya at Takasaki at Pangunahing Linya ng Tokaido gayun din ang mga tuluy-tuloy na tren na bumabagtas sa Himpilan ng Shinagawa sa Linyang Joban.[3] Tinatayang mayroon itong mga 320,229 mananakay sa bawat araw noong 2015.[5]