![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7b/Noblest_Flyer_Philippine_Eagle.jpg/640px-Noblest_Flyer_Philippine_Eagle.jpg&w=640&q=50)
Haribon
nanganganib na espesye ng agila sa Pilipinas / From Wikipedia, the free encyclopedia
Ang haribon (Pithecophaga jefferyi) ay isang espesye ng agila na kritikal na nanganganib sa pamilyang Accipitridae na endemiko sa mga kagubatan ng Pilipinas. Mayroon itong kayumanggi at puting balahibo, malagong palong, at karaniwang sumusukat ng 86 hanggang 102 cm (2.82 hanggang 3.35 tal) sa haba at tumitimbang ng 4.04 hanggang 8.0 kg (8.9 hanggang 17.6 lb).
Haribon | |
---|---|
![]() | |
Katayuan ng pagpapanatili | |
![]() Kritikal na Nanganganib (IUCN 3.1) | |
Klasipikasyong pang-agham | |
Kaharian: | |
Kalapian: | |
Hati: | |
Orden: | |
Pamilya: | |
Sari: | Pithecophaga Ogilvie-Grant, 1896 |
Espesye: | P. jefferyi |
Pangalang binomial | |
Pithecophaga jefferyi Ogilvie-Grant, 1896 | |
![]() | |
Nakaasul ang saklaw |
Kinokonsidera ang haribon bilang pinakamalaki ng mga buhay na agila sa mundo ayon sa haba at lawak ng pakpak. Mas malaki o mabigat lang ang Steller's sea eagle (haliaeetus pelagicus) at harpy eagle (harpia harpyja).[1][2] Idineklara ito bilang pambansang ibon ng Pilipinas.[3][4] Ang pinakamalaking banta sa espesye ang pagkawala ng tirahan nito, dahil sa pagkakalbo sa mga kagubatan sa saklaw nito.
Ang pangangaso ng haribon ay isang kriminal na pagkakasala, mapaparusahan ng batas na may hanggang 12 taong pagkakakulong at mabigat na multa.[5]