![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3f/2017_Sfigmomanometr_elektroniczny.jpg/640px-2017_Sfigmomanometr_elektroniczny.jpg&w=640&q=50)
Espigmomanometro
From Wikipedia, the free encyclopedia
Ang espigmomanometro o ispigmomanometro ay isang aparatong panukat sa presyon ng dugo.[1] May dalawang bahagi ang isang espigmomanometro: isang punyos (cuff) na binibintog upang limitahan ang daloy ng dugo, at ang isang manometro, de-asoge, mekanikal o elektroniko man, na nagsusukat ng presyon. Ginagamit ito kasabay ng paraan upang maisuri ang presyon ng dugo sa simula, at ang presyon nito kapag hindi hinaharangan ang daloy ng dugo: halimbawa, sa mekanikal na espigmomanometro, ginagamit ito kasabay ng estetoskopyo.
![Thumb image](http://upload.wikimedia.org/wikipedia/commons/thumb/3/3f/2017_Sfigmomanometr_elektroniczny.jpg/640px-2017_Sfigmomanometr_elektroniczny.jpg)
Nagmula ang salitang "espigmomanometro" sa salitang esfigmomanómetro sa Espanyol, na nagmula naman sa Griyegong sphygmós (pulso), kasama ang salitang pang-agham na manometro (panukat ng presyon). Inimbento ito noong 1881 ni Samuel Siegfried Karl Ritter von Basch, isang doktor mula sa Austria.