Angry Birds
From Wikipedia, the free encyclopedia
Ang Angry Birds (lit. Mga Galit na Ibon) ay isang palaisipang larong bidyo ng Rovio Entertainment mula sa Pinlandya. Ang laro na ito ay nagtatampok ng mga ibon na walang pakpak o binti. Gumagamit ang manlalaro ng tirador upang pabagsakin ang mga baboy na nasa itaas o sa iba't ibang istruktura. Kailangang sirain ng manlalaro ang lahat ng mga isktruktura sa mapa upang magbukas ng isa pang antas. Sa isa pang laro na itinatawag na Bad Piggies (lit. Masamang mga Baboy), iginaganap ng mga manlalaro ang mga baboy.
Angry Birds | |
---|---|
Naglathala | Rovio Entertainment |
Nag-imprenta | Chillingo (2009/2012) Rovio Entertainment |
Prodyuser | Raine Mäki Harro Grönberg Mikko Häkkinen |
Disenyo | Jaakko Iisalo |
Programmer | Tuomo Lehtinen |
Gumuhit | Tuomas Erikoinen |
Musika | Ari Pulkkinen |
Serye | Angry Birds |
Engine | SDL,[1] Box2D, Unity (on Rovio Classics: Angry Birds)[kailangan ng sanggunian] |
Plataporma | Platforms
|
Release | |
Dyanra | Puzzle, casual, strategy shooter |
Mode | Single-player |
Pangunahing nakuha ang inspirasyon sa isang guhit ng nakaestilong ibong walang pakpak, unang nailabas ang laro para sa mga kagamitang iOS at Maemo simula noong Disyembre 2009.[3][4] Simula noon, may higit na sa 12 milyong kopya ang laro na binili sa iOS App Store,[5] na nag-udyok sa mga tagagawa na magdisenyo ng mga bersyon sa ibang touchscreen (o iskrin na napipindot) na mga smartphone, kapansin-pansin ang mga kagamitang Android, Symbian, Windows Phone, at BlackBerry 10. Lumawak na ang serye upang isama ang mga titulo para sa mga dedikadong console ng larong bidyo at personal na kompyuter. Sumunod dito ang Angry Birds 2 na nailabas noong Hulyo 2015 para sa iOS at Android. Noong mga Abril 2019, tinanggal ang orihinal na laro mula sa App Store.[6] Nailabas ang muling paglilikha ng laro noong 2012 bilang Rovio Classics: Angry Birds noong Marso 31, 2022.[7]