స్ట్రైక్ రేటు
From Wikipedia, the free encyclopedia
స్ట్రైక్ రేట్ అనేది క్రికెట్ క్రీడలో రెండు వేర్వేరు గణాంకాలను సూచిస్తుంది. బ్యాటింగ్ స్ట్రైక్ రేట్ అనేది ఒక బ్యాటర్ ఎంత త్వరగా బ్యాటింగు చేస్తాడో కొలమానం. ప్రతి 100 బంతుల్లో చేసిన పరుగులతో దీన్ని కొలుస్తారు. ఇది ఎంత ఎక్కువగా ఉంటే అంత మంచిది. బౌలింగ్ స్ట్రైక్ రేట్ అనేది బౌలర్ బౌలింగ్ సామర్థ్యానికి ఒక లెక్క. ఒక్కో వికెట్ తీయడానికి ఎన్ని బంతులు వేసాడో ఇది చెబుతుంది. ఇది ఎంత తక్కువగా ఉంటే అంత ఉత్తమం. బౌలర్ల కోసం, ఎకానమీ రేటు (పొదుపు) అనేది తరచుగా చర్చించబడే గణాంకం.
రెండు స్ట్రైక్ రేట్లు సాపేక్షంగా కొత్త గణాంకాలు. 1970లలో వన్డే ఇంటర్నేషనల్ క్రికెట్ను ప్రవేశపెట్టిన తర్వాత మాత్రమే వీటిని కనుగొన్నారు, ఆ తరువాత ప్రాముఖ్యతను సంతరించుకున్నాయి.