భారతీయ నటి From Wikipedia, the free encyclopedia
సోనాక్షి సిన్హా (జననం 1987 జూన్ 2) భారతీయ సినీ నటి, గాయని. తన కెరీర్ ప్రారంభంలో కాస్ట్యూమ్ డిజైనర్గా పనిచేసిన తరువాత, సిన్హా యాక్షన్-డ్రామా చిత్రం దబాంగ్ (2010) లో నటనా రంగ ప్రవేశం చేసింది. ఇది ఉత్తమ తొలి చిత్ర నటిగా ఫిలింఫేర్ అవార్డును గెలుచుకుంది . [1] దబాంగ్, రౌడీ రాధోడ్ లాంటి ప్రజాదరణ పొందిన చిత్రాలలో నటించింది. ఈమె ప్రముఖ హిందీ నటులు పూనమ్ సిన్హా, శత్రుఘ్న సిన్హాల కుమార్తె.
సోనాక్షి సిన్హా | |
---|---|
జననం | సోనాక్షి సిన్హా 1987 జూన్ 2 |
విద్య | ముంబైలోని SNDT నుండి ఫ్యాషన్ డిజైనింగ్ కోర్సు |
వృత్తి | నటి, రూపదర్శిని |
క్రియాశీల సంవత్సరాలు | 2010 -ప్రస్తుతం |
తల్లిదండ్రులు | శత్రుఘ్న సిన్హా పూనమ్ సిన్హా |
బంధువులు | లవ్ సిన్హా, కుష్ సిన్హా (సోదరులు) |
2022లో సోనాక్షి సిన్హా, హ్యూమా ఖురేషి కీలక పాత్రల్లో శత్రమ్ రామణి దర్శకత్వం వహించిన హిందీ కామెడీ ఫిల్మ్ డబుల్ ఎక్స్ఎల్.[2]
సోనాక్షి 1987 జూన్ 2న బీహార్ లోని పాట్నాలో [3] సినీ నటులు శత్రుఘన్ సిన్హా, పూనమ్ సిన్హాలకు జన్మించింది. ఆమె తండ్రి బిహారీ కాయస్థ కుటుంబానికి చెందినవారు కాగా, ఆమె తల్లి సింధి హిందూ కుటుంబానికి చెందినది. [4] ఆమె తండ్రి భారతీయ జనతా పార్టీ పార్లమెంటు సభ్యునిగా పనిచేశాడు. [3] అతను 2019లో భారత జాతీయ కాంగ్రెస్ లోకి మారిపోయాడు. సోనాక్షి ముగ్గురు పిల్లలలోకీ చిన్నది – ఆమెకు ఇద్దరు (కవల) సోదరులు, లవ్ సిన్హా, కుష్ సిన్హా ఉన్నారు. ఆమె ఆర్య విద్యా మందిరంలో పాఠశాల విద్యను అభ్యసించింది. తరువాత శ్రీమతి నాతిబాయి దామోదర్ థాకర్సే ఉమెన్స్ యూనివర్శిటీకి చెందిన ప్రేమ్లీలా వితల్దాస్ పాలిటెక్నిక్ నుండి ఫ్యాషన్ డిజైనింగ్ లో పట్టభద్రురాలైంది.
రౌడీ రాథోడ్ (2012), సన్ ఆఫ్ సర్దార్ (2012), దబాంగ్ 2 (2012), హాలిడే: ఎ సోల్జర్ ఈజ్ నెవర్ ఆఫ్ డ్యూటీ (2014) వంటి చిత్రాల్లో రొమాంటిక్ పాత్రలు ధరించింది. పెద్దగా ప్రాముఖ్యత లేని పాత్రలు చేపట్టినందుకు ఆమె విమర్శలు ఎదుర్కొంది. రొమాంటిక్ డ్రామా లుటేరా (2013) లో క్షయ వ్యాధితో బాధపడుతున్న ఒక మహిళ పాత్రలో ఆమె విమర్శకుల ప్రశంసలు అందుకుంది. దీనికి ఆమె ఉత్తమ నటిగా ఫిలింఫేర్ అవార్డుకు నామినేషన్ పొందింది. [5] [6] [7] ఆ తరువాత మిషన్ మంగల్ (2019) మినహా, ఆమె నటించిన సినిమాలి వరుసగా వాణిజ్యపరంగా విఫలమయ్యాయి.[8]
సినిమాల్లో నటించడంతో పాటు, సిన్హా తన తేవార్ (2015) చిత్రంలో ఇమ్రాన్ ఖాన్ పాట "లెట్స్ సెలబ్రేట్"లో ఒక చిన్న భాగాన్ని పాడింది. ఆమె " ఆజ్ మూడ్ ఇష్క్హోలిక్ హై " కూడా పాడింది. మొత్తం నాలుగు చిత్రాలలో పాడింది.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.