తెలంగాణ రాష్ట్రం, సిద్ధిపేట జిల్లాలోని ఒక పరిపాలనా విభాగం. From Wikipedia, the free encyclopedia
సిద్ధిపేట రెవెన్యూ డివిజను, తెలంగాణ రాష్ట్రం, సిద్ధిపేట జిల్లాలోని ఒక పరిపాలనా విభాగం. సిద్ధిపేట జిల్లాలోవున్న మూడు రెవెన్యూ డివిజన్లలో ఇది ఒకటి. ఈ డివిజను పరిపాలనలో 10 మండలాలు ఉన్నాయి.[1] ఈ డివిజను ప్రధాన కార్యాలయం సిద్ధిపేట పట్టణంలో ఉంది. 2016, అక్టోబరు 11న రాష్ట్రంలోని జిల్లాల పునర్వ్యవస్థీకరణ ఆధారంగా రెవెన్యూ డివిజను పరిధి సవరించబడింది.[2] ఈ రెవెన్యూ డివిజను సిద్ధిపేట లోక్‌సభ నియోజకవర్గంలోని సిద్ధిపేట శాసనసభ నియోజకవర్గం పరిధిలో భాగంగా ఉంది.
ఐఏఎస్ క్యాడర్‌లో సబ్ కలెక్టర్ లేదా డిప్యూటి కలెక్టర్ హోదాలో ఉన్న రెవెన్యూ డివిజనల్ అధికారి ఈ రెవెన్యూ విభాగానికి ఆఫీసర్ గా ఉంటాడు. తహశీల్దార్ కేడర్‌లోని అడ్మినిస్ట్రేటివ్ ఆఫీసర్ పరిపాలనలో సహాయం చేస్తాడు. కలెక్టరేట్‌, మండల రెవెన్యూ విభాగాల మధ్య అనుసంధానంగా ఈ డివిజను పరిపాలనా వ్యవహారాలలో పనిచేస్తుంటుంది.[3][4]
సిద్ధిపేట డివిజనులోని మండలాలు:[5]
| క్ర.సం | సిద్ధిపేట రెవెన్యూ డివిజను | మండలంలోని రెవెన్యూ గ్రామాల సంఖ్య |
|---|---|---|
| 1 | సిద్దిపేట పట్టణ మండలం | 12 రెవెన్యూ గ్రామాలు |
| 2 | సిద్దిపేట గ్రామీణ మండలం | 12 రెవెన్యూ గ్రామాలు |
| 3 | నంగునూరు మండలం | 19 రెవెన్యూ గ్రామాలు |
| 4 | చిన్నకోడూర్ మండలం | 20 రెవెన్యూ గ్రామాలు |
| 5 | తొగుట మండలం | 16 రెవెన్యూ గ్రామాలు |
| 6 | దౌలతాబాద్ మండలం | 20 రెవెన్యూ గ్రామాలు (2 నిర్జన గ్రామాలు) |
| 7 | మిరుదొడ్డి మండలం | 17 రెవెన్యూ గ్రామాలు |
| 8 | దుబ్బాక మండలం | 26 రెవెన్యూ గ్రామాలు (1 నిర్జన గ్రామం) |
| 9 | చేర్యాల మండలం | 14 రెవెన్యూ గ్రామాలు |
| 10 | కొమురవెల్లి మంండలం | 9 రెవెన్యూ గ్రామాలు |
Seamless Wikipedia browsing. On steroids.