అరుణాచల్ ప్రదేశ్ లోని జిల్లా From Wikipedia, the free encyclopedia
వెస్ట్ సియాంగ్ జిల్లా, భారతదేశం అరుణాచల్ ప్రదేశ్ రాష్ట్రం లోని జిల్లా.[2] జిల్లా ముఖ్యపట్టణం ఆలో.
వెస్ట్ సియాంగ్ జిల్లా | |
---|---|
దేశం | భారతదేశం |
రాష్ట్రం | అరుణాచల్ ప్రదేశ్ |
ముఖ్య పట్టణం | ఆలో |
విస్తీర్ణం | |
• మొత్తం | 8,325 కి.మీ2 (3,214 చ. మై) |
జనాభా (2011) | |
• మొత్తం | 1,12,272[1] |
జనాభా వివరాలు | |
• అక్షరాస్యత | 67.6%[1] |
• లింగ నిష్పత్తి | 916[1] |
Website | అధికారిక జాలస్థలి |
1989 ఈ ప్రాంతం తూర్పు సియాంగ్ జిల్లాలో ఉండేది.[3] 1999 నుండి ఈ ప్రాంతం ఎగువ సియాంగ్ జిల్లాలో భాగం అయింది.[3]
పశ్చిమ సియాంగ్ జిల్లా కేంద్రం ఆలో పట్టణంలో ఉంది. జిల్లా వైశాల్యం 8325.[4] జిల్లా వైశాల్యపరంగా క్రెట్ దేశంతో సమానం.[5]
ఈ జిల్లాలో ఏడు అరుణాచల్ ప్రదేశ్ రాష్ట్ర శాసనసభ నియోజకవర్గాలు ఉన్నాయి: లిరోమోబా, లికబాలి, బాసర్, వెస్ట్, వెంట తూర్పు, రమ్గాంగ్, మెచుకా. మొదటి ఆరు అరుణాచల్ పశ్చిమ లోక్సభ నియోజకవర్గంలో భాగంగా ఉండగా, మెచుకా అరుణాచల్ తూర్పు లోక్సభ నియోజకవర్గంలో భాగంగా ఉంది.[6]
2011 భారత జనాభా లెక్కల ప్రకారం అరుణాచల్ ప్రదేశ్లోని పశ్చిమ సియాంగ్ జిల్లాలో మొత్తం జనాభా 112,274. వీరిలో 58,168 మంది పురుషులు కాగా, 54,106 మంది స్త్రీలు ఉన్నారు.[7] జిల్లాలో మొత్తం 21,231 కుటుంబాలు ఉన్నాయి.జిల్లా సగటు లింగ నిష్పత్తి 930.
జిల్లా లోని మొత్తం జనాభాలో 22.2% మంది పట్టణ ప్రాంతాల్లో నివసిస్తుండగా, 77.8% మంది గ్రామీణ ప్రాంతాల్లో నివసిస్తున్నారు. పట్టణ ప్రాంతాల్లో సగటు అక్షరాస్యత రేటు 85.4% కాగా గ్రామీణ ప్రాంతాల్లో 60.9% ఉంది. అలాగే పశ్చిమ సియాంగ్ జిల్లాలోని పట్టణ ప్రాంతాల లింగ నిష్పత్తి 852 కాగా గ్రామీణ ప్రాంతాల వారిది 954గా ఉంది.
జిల్లాలో 0-6 సంవత్సరాల వయస్సు గల పిల్లల జనాభా 14855, ఇది మొత్తం జనాభాలో 13%గా ఉంది. 0-6 సంవత్సరాల మధ్య 7655 మంది మగ పిల్లలు ఉండగా, 7200 మంది ఆడ పిల్లలు ఉన్నారు. ఈ విధంగా పిల్లల లింగ నిష్పత్తి 941గా ఉంది, ఇది పశ్చిమ సియాంగ్ జిల్లాలోని సగటు లింగ నిష్పత్తి (930) కంటే ఎక్కువ.
పశ్చిమ సియాంగ్ జిల్లా మొత్తం అక్షరాస్యత రేటు 66.46%. పశ్చిమ సియాంగ్ జిల్లాలో పురుషుల అక్షరాస్యత రేటు 63.23% ఉండగా, స్త్రీల అక్షరాస్యత రేటు 51.69%గా ఉంది.
పశ్చిమ సియాంగ్ జిల్లాలో ఆది, మెంబా, ఖంబ గిరిజనజాతులు నివసిస్తున్నాయి. ఆది సాధారణంగా డోన్యి-పొలో మతాన్ని, మరికొందరు సమీప కాలంగా బాప్టిస్ట్ క్రైస్తవమతం అనుసరిస్తున్నారు. మెంబా, ఖంబా ప్రజలు టిబెటన్ బుద్ధిజం అనుసరిస్తున్నారు. జిల్లాలో ప్రబలమైన మెచుకా గొంపా అనే టిబెటన్ ఆలయం ఉంది. ఇది మెంబా మాట్లాడే ప్రజలు నివసిస్తున్న మెచుయా ప్రాంతంలో ఉంది.
పశ్చిమ సియాంగ్ జిల్లాలో ఆది భాషను సుమారుగా 1,40,000 మంది మట్లాడుతుంటారు. దీనిని టిబెటన్, లాటిన్ లిపిలో వ్రాస్తుంటారు.[8] అలాగే గాలో (అంతరించి పోతున్న భాష) భాషను దాదాపు 30,000 మంది మాట్లాడుతుంటారు. ఇది కూడా సినీ-టిబెటన్ కుటుంబానికి చెందింది. [9]
పశ్చిమ సియాంగ్ వనజీవితం సుసంపన్నమైనది. జిల్లాలోని అరణ్యాలలో జ్మిస్మి తకిన్, మంచుచిరుత, ఎర్రని పాండా, మస్క్ డీర్ వంటి అరుదైన క్షీరదాలు ఉన్నాయి. అలాగే అరుదైన బ్లిత్ ట్రాగోపాన్ కూడా ఉంది.[10] సైన్సు ప్రపంచంలో సరికొత్తగా కవిపెట్టబడిన ఎగిరే ఉడుత కూడా ఈ అరణ్యాలలో ఉంది. .[11] 1991లో పశ్చిమ సియాంగ్ జిల్లాలో 55 కి.మీ " కానే అభయారణ్యం " ఏర్పాటు చేయబడింది.[12]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.