వికీపీడియా:తెవికీ 20 వ వార్షికోత్సవం
From Wikipedia, the free encyclopedia
తెలుగు వికీపీడియా 20 వ ఏట అడుగు పెడుతున్న సందర్భంగా వార్ష్జికోత్సవం జరపాలని సముదాయం నిశ్చయించింది. తెలుగు వికీమీడియన్స్ యూజర్ గ్రూపులో వచ్చిన ప్రతిపాదనపై ఈ విషయమై రచ్చబండలో చర్చ జరిగింది. విశాఖపట్నంలో ఈ వార్షికోత్సవం జరపాలని ఈ చర్చలో నిర్ణయించారు. ఆ తరువాత జరిగిన సన్నాహక సమావేశాల్లో సిఐఎస్ ఎ2కె సంస్థ ఈ వార్షికోత్సవాలకు నిధులు సమకూర్చడంతో పాటు నిర్వహణ లోనూ పాలుపంచుకునేందుకు ముందుకు వచ్చింది.
![Thumb image](http://upload.wikimedia.org/wikipedia/commons/thumb/0/01/VisakhapatnamH.jpg/640px-VisakhapatnamH.jpg)
ప్రధాన పేజీ | చర్చ | కార్యక్రమ ప్రణాళిక | కమిటీలు | సన్నాహక సమావేశాలు | స్కాలర్షిప్స్ | నివేదిక | భావి కార్యాచరణ |
![Thumb image](http://upload.wikimedia.org/wikipedia/commons/thumb/3/37/Tewiki_Pandaga_2024_Logo_-_Monochromatic_-_Transparent.png/640px-Tewiki_Pandaga_2024_Logo_-_Monochromatic_-_Transparent.png)
ఉత్సవాల నిర్వహణకు అవసరమైన కమిటీలు ఏర్పాటు చేసుకుని, తెలుగు వికీమీడియన్లు పనుల్లోకి దిగారు. ఈ కమిటీలు ఒక్కసారి కూడా భౌతికంగా సమావేశం కాలేదు; సమావేశాలన్నీ ఆన్లైను లోనే జరిగాయి.
కార్యక్రమాల రూపకల్పనలో భాగంగా అనేక చర్చలు జరిగాయి, అనేక ప్రతిపాదనలు వచ్చాయి. కొన్ని ముందే వీగిపోయాయి, కొన్ని ప్రతిపాదనలపై పనులు మొదలుపెట్టాక కొంతపని జరిగాక మధ్యలో విరమించుకున్నారు. అయితే, తగినంత మంది చురుకైన కార్యకర్తలు లేక గానీ, సరిపడినంత సమయం లేక గానీ ఆగిపోయిన పనులు ఉన్నాయేమో గానీ, డబ్బు లేక ఆగిన పనులేమీ లేవు. సిఐఎస్ వారికే ఆ శ్రేయస్సు చెందుతుంది.