From Wikipedia, the free encyclopedia
రమేశ్ చెప్పాల తెలంగాణకు చెందిన తెలుగు సినిమా దర్శకుడు, రచయిత. కథ, పుస్తక రచయితగా గుర్తింపు పొందిన రమేశ్ 2018లో ‘బేవర్స్’ సినిమా, 2023లో ‘భీమదేవరపల్లి బ్రాంచి’ సినిమాలకు దర్శకత్వం వహించాడు.[1]
రమేశ్ చెప్పాల | |
---|---|
జననం | 1976, మార్చి 16 |
వృత్తి | సినిమా దర్శకుడు స్క్రీన్ ప్లే రచయిత |
క్రియాశీల సంవత్సరాలు | 2001 - ప్రస్తుతం |
జీవిత భాగస్వామి | స్వరూప |
పిల్లలు | తరుణ్, జాహ్నవి |
తల్లిదండ్రులు |
|
రమేశ్ 1976, మార్చి 16న ఆగయ్య – లక్ష్మీ దంపతులకు తెలంగాణ రాష్ట్రం, కరీంనగర్ జిల్లా, వీణవంక మండలంలోని కనపర్తి గ్రామంలో జన్మించాడు. రమేశ్ కు ఇద్దరు అన్నలు, ఇద్దరు అక్కలు ఉన్నారు. ఐదవతరగతి వరకు కనపర్తి గ్రామంలోని ప్రభుత్వ పాఠశాలలో, ఆరు నుంచి పదోతరగతి నుంచి పది వరకు హుజూరాబాద్ విశ్వ ప్రగతి విద్యాలయంలో చదివిన రమేశ్, ఇంటర్మీడియట్, డిగ్రీ, ఆపై చదువులు హైదరాబాద్ నగరంలో పూర్తిచేశాడు.[2]
రమేశ్ కు స్వరూపతో వివాహం జరిగింది. వారికి ఇద్దరు పిల్లలు (తరుణ్, జాహ్నవి).
చిన్ననాటి నుంచి సాహిత్యం, సినిమా, సంగీతం అంటే అమితమైన ఇష్టమున్న రమేశ్ ఆంధ్రభూమి, ఆంధ్రజ్యోతి, స్వాతి, నమస్తే తెలంగాణ వంటి పత్రికల్లో అనేక కవితలు, కథలు రాశాడు. ‘మా కనపర్తి ముషాయిరా’ (2021), ‘బాంబే డాల్’, శ్రీరాజరాజేశ్వరి యాత్ర స్పెషల్’ వంటి పుస్తకాలు కూడా ప్రచురించాడు.
‘మా కనపర్తి ముషాయిరా’ నోస్టాల్జియా కథల పుస్తకానికి భారత మాజీ ఉపరాష్ట్రపతి వెంకయ్యనాయుడు, ఈనాడు గ్రూప్స్ చైర్మన్ రామోజీరావు, రచయిత యండమూరి వీరేంద్రనాథ్, బాహుబలి సినిమా రచయిత విజయేంద్రప్రసాద్ తదితర ప్రముఖుల నుండి ప్రశంశలు అందుకున్నాడు.[3] ఆ తరువాత రాసిన నవల ‘బాంబే డాల్’ కూడా అశేష పాఠక ఆదరణ పొందింది. ‘బాంబే డాల్’ పుస్తకం ఆధారంగా ప్రముఖ దర్శకుడు సంజయ్లీలా బన్సాలీ అసోసియేట్ సురేన్, రైట్స్ తీసుకొని హిందీలో సినిమా తీయబోతున్నాడు.
గౌతమ్ ఎస్.ఎస్.సి., మీ శ్రేయోభిలాషి, కౌసల్య సుప్రజా రామ, కాశీపట్నం చూడరా బాబు వంటి అనేక సినిమాలకు కథ, స్క్రీన్ ప్లే, మాటలు అందించాడు. మరెన్నో విజయవంతమైన సినిమాలకు తన పేరు లేకుండా సహ రచయితగా వ్యవహరించాడు. విసు ఇంటర్నేషనల్, దిల్ రాజు, రామోజీరావు, డి. రామానాయుడు, మల్టీ డైమెన్షన్ వంటి ప్రసిద్ధ నిర్మాణ సంస్థల్లో పనిచేశాడు.[2]
2008లో రాజేంద్రప్రసాద్ ప్రధానపాత్రలో వచ్చిన ‘బేవర్స్’ సినిమాకు తొలిసారిగా దర్శకత్వం వహించాడు.[4] ఈ సినిమా ప్రేక్షకులకు చాలా కనెక్ట్ అవ్వడంతోపాటు వెబ్ మీడియాలో ట్రెండింగ్ అయ్యింది. నలభై మిలియన్స్ వ్యూవర్ షిప్ సాధించింది. ఆ తరువాత పలు సినిమాలకు మాటలు, కథ అందించాడు.
రాజకీయ నాయకుల హామీని కథాంశంగా తీసుకొని 2023లో ‘భీమదేవరపల్లి బ్రాంచి’ సినిమాను తీశాడు. ఈ సినిమా అన్ని వర్గాల ప్రశంసలు పొంది ఆర్గానిక్ హిట్ సాధించింది.[5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.