From Wikipedia, the free encyclopedia
జరగనహళ్లి సరస్సు కర్ణాటకలోని బెంగుళూరు దక్షిణ భాగంలో ఉంది. దీనిని యెలచెనహల్లి సరస్సు అని కూడా పిలుస్తారు. ఇది జెపి నగర్ మెట్రో స్టేషన్ సమీపంలో కనకపుర రోడ్డులో ఉంది. దీనికి జరగనహళ్లి, యలచనహళ్లి అనే గ్రామాలు సరిహద్దులుగా ఉన్నాయి.[1][2]
జరగనహళ్ళి సరస్సు | |
---|---|
ప్రదేశం | బెంగళూరు, కర్ణాటక |
అక్షాంశ,రేఖాంశాలు | 12°54′5.7″N 77°34′22.4″E |
ఇందులో భాగం | వృషభావతి నది |
ప్రవహించే దేశాలు | భారతదేశం |
నిర్మాణం | 26 మే 1402 |
ఉపరితల వైశాల్యం | 6.22 ఎకరం (2.52 హె.) |
ప్రాంతాలు | జరగనహళ్ళి, యలచనహళ్లి |
ఒకప్పుడు ఈ సరస్సు 6 ఎకరాలలో విస్తరించి ఉండేది. సరస్సులోని కొంత భాగం 1998 లో జరగనహల్లి గ్రామంలోని ప్రభుత్వ పాఠశాల విద్యార్థులకు పాఠశాల ఆట స్థలంగా మార్చబడింది. ప్రస్తుతం సరస్సు 4 ఎకరాలలో మాత్రమే విస్తరించి ఉంది.[3]
ఈ సరస్సు అన్నయ్య సరస్సు, సారక్కీ సరస్సు వంటి ఇతర సరస్సులకు దగ్గరగా ఉంది. ఈ స్థలానికి స్పష్టమైన సర్వే నంబర్ ఇవ్వబడలేదు. కానీ ఈ సరస్సు జరగనహళ్లి గ్రామంలోని సర్వే నంబర్ 29/2C లో ఉందనీ కొన్ని పత్రాలు, యెలచెనహళ్లి, ఉత్తరహళ్లి హోబ్లీ, బెంగళూరు దక్షిణ తాలూకాలోని సర్వే నంబర్ 23 లో ఉందని కొన్ని పత్రాలు పేర్కొన్నాయి.[4]
1904 నాటి సర్వే సరస్సుకు కనీసం 100 సంవత్సరాల చరిత్ర ఉందని స్పష్టంగా సూచిస్తుంది. 2008లోని గూగుల్ మ్యాప్ సరస్సు పాక్షిక ఉనికిని చూపుతుంది.[5]
కర్ణాటక లోని సరస్సులను పరిరక్షించేందుకు గానూ అక్కడి ప్రభుత్వం వివిధ ప్రాజెక్టులను రూపొందించింది.
సరస్సులు నాశనం కావడానికి ముఖ్య కారణం చెత్తాచెదారాన్ని సరస్సులో వేయడం. కాబట్టి దీనికి వ్యతిరేకంగా 1999 లో, కృష్ణ భట్ (ప్రఖ్యాత సామాజిక కార్యకర్త) ద్వారా ఒక ప్రాజెక్టు ప్రారంభించబడింది. సరస్సుపై అలాంటి కార్యకలాపాలు ఆపాలని కోర్టు ఆదేశించింది.[6][7][8][9]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.