వి.వి. వినాయక్ చిత్రం (2018) From Wikipedia, the free encyclopedia
ఇంటిలిజెంట్ 2018 ఫిబ్రవరి 9న విడుదలైన తెలుగు చిత్రం.[1][2]
విజన్ సాఫ్ట్ వేర్ సొల్యూషన్స్ అధినేత నందకిషోర్ (నాజర్) అనాథలకు, పేదవాళ్లకు సహాయపడుతుంటాడు. తన సంస్థలో పనిచేసే ఉద్యోగులను కూడా చక్కగా చూసుకుంటూ ఉంటాడు. నందకిషోర్ సహాయంతో చదువుకుని... ఆయన కంపెనీలోనే సాఫ్ట్ వేర్ ఉద్యోగం సంపాదిస్తాడు తేజ (సాయిధరమ్ తేజ్). తన స్నేహితులు (రాహుల్ రామకృష్ణ, సప్తగిరి, నల్లవేణు)లతో కలిసి, నచ్చిన ఉద్యోగం చేసుకుంటూ ఉండే తేజు జీవితంలోకి ఓ అమ్మాయి (లావణ్య త్రిపాఠి) ప్రవేశిస్తుంది . ముందు తేజ అంటే ఇష్టపడకపోయినా.. అమ్మాయిలంటే అతనికున్న గౌరవాన్ని చూసి అతన్ని ఇష్టపడుతుంది. అదే సమయంలో నందకిషోర్ తన సంస్థ ఉద్యోగులకు ఇస్తున్న ప్రోత్సాహకాలు చూసి.. నందకిషోర్ను దెబ్బ కొట్టి.. సంస్థను సొంతం చేసుకోవాలనుకుంటారు ప్రత్యర్థి వర్గం. అందులో భాగంగా మాఫియా నాయకుడు విక్కీ భాయ్(రాహుల్ దేవ్), అతని తమ్ముడు (దేవ్ గిల్)ల సహాయం తీసుకుంటారు. విక్కీ బృందం నందకిషోర్ను బెదిరించినా లొంగడు. ఢిల్లీకి వెళ్లి కేంద్ర మంత్రిని కలవాలనుకుంటాడు. అయితే అనుకోకుండా తన సంస్థ విజన్ సాఫ్ట్వేర్ సొల్యూషన్స్ను విక్కీకి రాసేసి ఆత్మహత్య చేసుకుంటాడు నందకిషోర్. అదే సమయంలో తేజపై దాడి జరగుతుంది. అసలు నంద కిషోర్ ఎందుకు ఆత్మహత్య చేసుకుంటాడు? అసలు అది ఆత్మహత్యా? హత్యా? చివరకు తనకు అండగా నిలబడ్డ నందకిషోర్ కుటుంబం కోసం తేజ ఎలాంటి సాహసం చేస్తాడు? అనే విషయాలు మిగిలిన కథలో భాగం.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.