శేఖర్ రెడ్డి ఎర్రా దర్శకత్వంలో 2019లో విడుదలైన తెలుగు సినిమా From Wikipedia, the free encyclopedia
90ఎంఎల్, 2019 డిసెంబరు 6న విడుదలైన తెలుగు సినిమా. కార్తికేయ క్రియేటీవ్ వర్క్స్ బ్యానరులో అశోక్ రెడ్డి గుమ్మకొండ నిర్మించిన ఈ సినిమాకు శేఖర్రెడ్డి యెర్ర దర్శకత్వం వహించాడు. ఇందులో కార్తికేయ గుమ్మకొండ, నేహా సోలంకి ప్రధాన పాత్రల్లో నటించగా,[1] అనూప్ రూబెన్స్ సంగీతం సమకూర్చాడు. అశోక్ రెడ్డి 2018లో ఆర్ఎక్స్ 100 అనే సినిమాను నిర్మించాడు.[2][3]
90ఎంఎల్ | |
---|---|
![]() 90ఎంఎల్ సినిమా పోస్టర్ | |
దర్శకత్వం | శేఖర్రెడ్డి యెర్ర |
రచన | శేఖర్రెడ్డి యెర్ర |
నిర్మాత | అశోక్ రెడ్డి గుమ్మకొండ |
తారాగణం | |
ఛాయాగ్రహణం | జె. యువరాజు |
కూర్పు | ఎస్.ఆర్. శేఖర్ |
సంగీతం | అనూప్ రూబెన్స్ |
నిర్మాణ సంస్థ | కార్తికేయ క్రియేటీవ్ వర్క్స్ |
విడుదల తేదీs | 6 డిసెంబరు, 2019 |
సినిమా నిడివి | 159 నిముషాలు |
దేశం | భారతదేశం |
భాష | తెలుగు |
బడ్జెట్ | 8.3 కోట్లు |
బాక్సాఫీసు | 18 కోట్లు |
ఆర్ఎక్స్ 100 సినిమా దర్శకుడు అజయ్ భూపతి, కార్తికేయను కలవడానికి శేఖర్ రెడ్డికి సహాయం చేశాడు.[4] టెలివిజన్ నటి నేహా సోలంకి హీరోయిన్ గా, రవి కిషన్, సత్య ప్రకాష్, రాపర్ రోల్ రైడా ఇతర పాత్రల్లో నటించడానికి అంగీకరించారు.[5][6] అజర్బైజాన్లో మూడు పాటలు చిత్రీకరించారు. 2019 సెప్టెంబరులో ఫస్ట్ లుక్ పోస్టర్ విడుదలయింది.[7] ఈ సినిమా టైటిల్, ఫస్ట్ లుక్ పోస్టర్ కారణంగా మీడియా కవరేజీ వచ్చింది.[8][9] అనూప్ రూబెన్స్ స్వరపరిచిన పాటలకు ప్రేక్షకుల నుండి మంచి ఆదరణ లభించింది. రోజూ తాగవలసిన వ్యాధి ఉన్న తాగుబోతు పాత్రలో కార్తికేయ నటించాడు.[10] సెప్టెంబరు 21న టీజర్ విడుదలయింది.[11] అక్టోబరు 20న ట్రైలర్ విడుదలయింది.[12] ఈ సినిమా డిసెంబరు 5న విడుదలకావాల్సి ఉంది, అయితే కొన్ని దృశ్యాలను తొలగించమని సెంట్రల్ బోర్డ్ ఆఫ్ ఫిల్మ్ సర్టిఫికేషన్, నిర్మాతలను కోరడంతో సినిమా డిసెంబరు 6న విడుదలయింది.[13][14]
అనూప్ రూబెన్స్ సంగీతాన్ని సమకూర్చగా, చంద్రబోస్ సాహిత్యాన్ని అందించాడు.[15]
దక్కన్ క్రానికల్ పత్రిక ఈ సినిమాకి 1.5/5 రేటింగ్ ఇచ్చింది. "90ఎంఎల్ చెడ్డ పానీయం లాంటిది" అని రాసింది.[20] టైమ్స్ ఆఫ్ ఇండియా పత్రిక ఈ సినిమాకి 2/5 రేటింగ్ ఇచ్చింది. "సన్నివేశాలు ఏవీ ఒకదానితో ఒకటి మిళితం కాలేదు, ఈ సినిమా యాదృచ్ఛిక సన్నివేశాల కలయికలాగా అనిపిస్తోంది" అని రాసింది. "కార్తికేయ ప్రధాన పాత్రలో నటించడం కొంత ప్రశంసనీయం అయితే, మొత్తంగా ఈ సినిమాని ఒక్కసారి చూడొచ్చు" అని తెలంగాణ టుడే పత్రిక రాసింది.[21]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.