షోయబ్ మహ్మద్

షోయబ్ మొహమ్మద్ (జననం 1961, జనవరి 8), పాకిస్తానీ మాజీ క్రికెటర్. 1983 నుండి 1995 వరకు 45 టెస్టులు, 63 వన్డేలు ఆడాడు. ఇతడు పాకిస్థాన్ మాజీ క్రికెటర్ హనీఫ్ మహ్మద్ కుమారుడు. షోయబ్ 1990ల మధ్యకాలం వరకు దేశానికి ప్రాతినిధ్యం వహించాడు. కుడిచేతి వాటం బ్యాట్స్‌మెన్ గా రాణించాడు. ప్రస్తుతం పాకిస్తాన్‌లో క్రికెట్ అభివృద్ధిలో పాల్గొంటున్నాడు. పాకిస్తాన్ క్రికెట్ బోర్డు తరపున కోచింగ్, ట్రయల్స్ తీసుకుంటున్నాడు. 2014 ఫిబ్రవరి 11న జాతీయ జట్టు ఫీల్డింగ్ కోచ్‌గా నియమితుడయ్యాడు.^[1] కుమారుడు షెహజార్ మొహమ్మద్ పాకిస్తాన్ ఇంటర్నేషనల్ ఎయిర్‌లైన్స్‌కు కుడిచేతి వాటం బ్యాట్స్‌మన్, వికెట్ కీపర్ గా ఉన్నాడు.^[2]

షోయబ్ మొహమ్మద్

వ్యక్తిగత సమాచారం
పుట్టిన తేదీ	8 January 1961 (1961-01-08) (age 64) కరాచీ, సింధ్, పాకిస్తాన్
బ్యాటింగు	కుడిచేతి వాటం
బౌలింగు	కుడి-చేతి ఆఫ్‌బ్రేక్
బంధువులు	హనీఫ్ మొహమ్మద్ (తండ్రి) షెహజార్ మొహమ్మద్ (కొడుకు)
అంతర్జాతీయ జట్టు సమాచారం
జాతీయ జట్టు	పాకిస్తాన్
కెరీర్ గణాంకాలు
పోటీ టెస్టులు వన్‌డేలు మ్యాచ్‌లు 45 63 చేసిన పరుగులు 2,705 1,269 బ్యాటింగు సగటు 44.34 24.40 100లు/50లు 7/13 1/8 అత్యధిక స్కోరు 203* 126* వేసిన బంతులు 396 919 వికెట్లు 5 20 బౌలింగు సగటు 34.00 36.25 ఒక ఇన్నింగ్సులో 5 వికెట్లు 0 0 ఒక మ్యాచ్‌లో 10 వికెట్లు 0 n/a అత్యుత్తమ బౌలింగు 2/8 3/20 క్యాచ్‌లు/స్టంపింగులు 22/– 13/–
మూలం: ESPNcricinfo, 2006 ఫిబ్రవరి 4

టెస్ట్ కెరీర్

1983లో భారత్‌తో జలంధర్‌లో టెస్ట్ కెరీర్‌ను ప్రారంభించాడు. ఒక ఇన్నింగ్స్‌లో 9 పరుగులు మాత్రమే చేయగలిగాడు. తరువాతి ఏడాది ఇంగ్లాండ్‌పై 80 పరుగులు చేశాడు. సంవత్సరం చివరిలో, కరాచీలో న్యూజిలాండ్‌పై 31/34 చేశాడు. 101 పరుగుల వద్ద తొలి సెంచరీ సాధించాడు.

షోయబ్ మహ్మద్ 45 టెస్టు మ్యాచ్‌ల్లో 68 ఇన్నింగ్స్‌ల్లో ఏడుసార్లు నాటౌట్‌గా నిలిచాడు. 44.34 సగటుతో 2705 పరుగులు చేశాడు. ఇందులో 7 సెంచరీలు, 13 హాఫ్ సెంచరీలు ఉన్నాయి. అతని అత్యధిక వ్యక్తిగత స్కోరు 203 నాటౌట్.

63 వన్డేలలో 58 ఇన్నింగ్స్‌లలో ఆరు సార్లు నాటౌట్‌గా నిలిచాడు. 24.40 సగటుతో 1269 పరుగులు పూర్తి చేశాడు. ఒక ఇన్నింగ్స్‌లో అజేయంగా 126 పరుగులు చేశాడు. ఒక సెంచరీ, ఎనిమిది అర్ధ సెంచరీలు చేశాడు.

211 ఫస్ట్-క్లాస్ మ్యాచ్‌లు ఆడాడు, అందులో 350 ఇన్నింగ్స్‌లలో 44 సార్లు నాటౌట్‌గా నిలిచాడు. 38 సెంచరీలు, 57 అర్ధ సెంచరీలతో 41.44 సగటుతో 12682 పరుగులు చేశాడు. 208 అజేయంగా పరుగులు చేయడం అతని ఇన్నింగ్స్‌లో అత్యుత్తమ స్కోరు.

కెరీర్ గణాంకాలు

టెస్టుల్లో 5, వన్డేల్లో 20, ఫస్ట్ క్లాస్ మ్యాచ్‌ల్లో 45 వికెట్లు తీశాడు. అతను టెస్ట్ మ్యాచ్‌లలో 22 క్యాచ్‌లు, వన్డేలలో 13, ఫస్ట్ క్లాస్ మ్యాచ్‌లలో 93 క్యాచ్‌లు పట్టుకున్నాడు.^[3]