శ్రీలక్ష్మి కనకాల తెలుగు టెలివిజన్ నటి. దూరదర్శన్ లో వచ్చిన రాజశేఖర చరిత్రము అనే ధారావాహిక ద్వారా నటనలోకి అడుగుపెట్టిన శ్రీలక్ష్మి, అనేక ధారావాహికల్లో నటించింది.[1]
శ్రీలక్ష్మి కనకాల | |
|---|---|
| జననం | శ్రీలక్ష్మి కనకాల జూన్ 20 |
| మరణం | ఏప్రిల్ 6, 2020 |
| విద్య | ఎం.ఏ. (ఆంగ్లం) |
| వృత్తి | టెలివిజన్ నటి |
| జీవిత భాగస్వామి | డా. పెద్ది రామారావు |
| పిల్లలు | ప్రేరణ, రాగలీన |
| తల్లిదండ్రులు | దేవదాస్ కనకాల, లక్ష్మీదేవి కనకాల |
| బంధువులు | రాజీవ్ కనకాల (అన్నయ్య), సుమ కనకాల (వదిన) |
జననం - కుటుంబ నేపథ్యం
శ్రీలక్ష్మి జూన్ 20న దేవదాస్ కనకాల (రంగస్థల, చలనచిత్ర నటులు, దర్శకులు, నట శిక్షకులు), లక్ష్మీదేవి కనకాల (రంగస్థల, చలనచిత్ర నటి, నట శిక్షకురాలు) దంపతులకు హైదరాబాదులో జన్మించింది. నటుడు రాజీవ్ కనకాల, టెలివిజన్ వ్యాఖ్యాత సుమ కనకాలలు శ్రీలక్ష్మికి అన్నావదినలు.[2]
విద్యాభ్యాసం - ఉద్యోగం
చదువులో చురుగ్గా ఉండే శ్రీలక్ష్మి పెద్దయ్యాక డాక్టర్ అవ్వాలనుకుంది. విద్యోదయ హైస్కూల్ లో తన పాఠశాల విద్యను చదివిన శ్రీలక్ష్మి, మద్రాస్ విశ్వవిద్యాలయంలో ఎం.ఏ. (ఆంగ్లం) పూర్తిచేసింది. ఆ తరువాత కొన్ని సంవత్సరాలు ప్రైవేటు ఉపాధ్యాయురాలుగా పనిచేసింది.
వివాహం - పిల్లలు
2002, మార్చి 31న కవి, తెలుగు కథా రచయిత, రంగస్థల అధ్యాపకులైన డా. పెద్ది రామారావుతో శ్రీలక్ష్మి వివాహం జరిగింది. వీరికి ఇద్దరు అమ్మాయిలు (ప్రేరణ, రాగలీన).[3]
నటజీవితం
దూరదర్శన్ లో వచ్చిన రాజశేఖర చరిత్రము అనే ధారావాహిక ద్వారా టీవిరంగంలోకి ప్రవేశించింది. ఆ తరువాత తన తండ్రి దర్శకత్వం వహించిన ధారావాహికలతోపాటు, ఇతర ధారావాహికలలో నటించింది. అంటేకాకుండా ఒక కన్నడ టెలీఫిలిం, ఒక హిందీ చిత్రంలో నటించింది.
నటించిన ధారావాహికలు
జెమిని టీవిలో వచ్చిన అగ్నిపూలు ధారావాహికలో ప్రధానపాత్ర పోషించింది.[4]
- దూరదర్శన్ - రాజశేఖర చరిత్రము, స్వయంవరం
- జెమినీ టీవీ - చిన్నారి, కొత్త బంగారం, అగ్నిపూలు, కలియుగ రామాయణం, అరుందతి, స్వాతి, ఆకాశగంగ, అగ్నిపూలు, నేను ఆయన నలుగురు అత్తలు, సూపర్ మామ్
- ఈటీవి - ప్రియాంక, ఋతుధార
పురస్కారాలు
- జెమిని స్పెషల్ బెస్ట్ యాక్టర్ అవార్డు (అగ్నిపూలు)
మరణం
శ్రీలక్ష్మీ క్యాన్సర్‌ కారణంగా 2020, ఏప్రిల్ 6న హైదరాబాదులో మరణించింది.[5]
మూలాలు
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
