లోయర్ దిబాంగ్ వ్యాలీ జిల్లా

లోయర్ దిబాంగ్ వ్యాలీ జిల్లా, అరుణాచల్ ప్రదేశ్ రాష్ట్రం లోని జిల్లా.^[2] దేశంలో అత్యల్పజనసాంధ్త్రత కలిగిన జిల్లాలలో ఇది 10వ స్థానంలో ఉంది.^[3]

దిగువ దిబాంగ్ లోయ జిల్లా
జిల్లా
అరుణాచల్ ప్రదేశ్ పటంలో దిగువ దిబాంగ్ లోయ జిల్లా స్థానం
దేశం	భారతదేశం
రాష్ట్రం	అరుణాచల్ ప్రదేశ్
ముఖ్య పట్టణం	రోయింగ్
జనాభా  (2011)
• మొత్తం	53,986[1]
జనాభా వివరాలు
• అక్షరాస్యత	70.4%[1]
• లింగ నిష్పత్తి	919[1]

చరిత్ర

1980లో లోహిత్ జిల్లా లోని కొంతభూభాగం వేరుచేసిన నేపథ్యంలో దిబాంగ్ లోయ జిల్లా కొత్తగా రూపొందింది.^[4]2001 డిసెంబరు 16న దీబాంగ్ లోయ జిల్లా, దిగువ దిబాంగ్ లోయ జిల్లాగా విభజించబడింది.^[4]

భౌగోళికం

దిగువ దిబాంగ్ లోయ జిల్లా కేంద్రంగా రోయింగ్. 2001 డిసెంబరున ఈ జిల్లా రూపొందించక ముందు అనిని జిల్లా కేంద్రంగా ఉందెది.^[5]

శాసన వ్యవస్థ

దిగువ దిబాంగ్ లోయ జిల్లాలో 2 శాసనసభ నియోజకవర్గాలు ఉన్నాయి. ఇవి రెండు అరుణాచల్ తూర్పు లోక్‌సభ నియోజకవర్గం భాగంగా ఉన్నాయి.^[6]

జనాభా గణాంకాలు (2011)

2011 జనాభా లెక్కల ప్రకారం అరుణాచల్ ప్రదేశ్‌లోని దిగువ దిబాంగ్ వ్యాలీ జిల్లాలో మొత్తం జనాభా 54,080. వీరిలో 28,053 మంది పురుషులుకాగా, 26,027 మంది స్త్రీలు ఉన్నారు.^[7] జిల్లాలో మొత్తం 11,600 కుటుంబాలు ఉన్నాయి. జిల్లా సగటు లింగ నిష్పత్తి 928.

జిల్లాలోని మొత్తం జనాభాలో 21.1% మంది పట్టణ ప్రాంతాల్లో నివసిస్తుండగా, 78.9% మంది గ్రామీణ ప్రాంతాల్లో నివసిస్తున్నారు. పట్టణ ప్రాంతాల్లో సగటు అక్షరాస్యత రేటు 88.4% కాగా గ్రామీణ ప్రాంతాల్లో 63.6%. జిల్లాలోని పట్టణ ప్రాంతాల లింగ నిష్పత్తి 878 కాగా గ్రామీణ ప్రాంతాల వారిది 941గా ఉంది. జిల్లాలో 0-6 సంవత్సరాల వయస్సు గల పిల్లల జనాభా 8009, ఇది మొత్తం జనాభాలో 15%. 0-6 సంవత్సరాల మధ్య 4112 మంది మగ పిల్లలు ఉండగా, 3897 మంది ఆడ పిల్లలు ఉన్నారు. ఈ విధంగా పిల్లల లింగ నిష్పత్తి 948, ఇది దిగువ దిబాంగ్ వ్యాలీ జిల్లాలోని సగటు లింగ నిష్పత్తి (928) కంటే ఎక్కువ. జిల్లా మొత్తం అక్షరాస్యత రేటు 69.13%. దిగువ దిబాంగ్ వ్యాలీ జిల్లాలో పురుషుల అక్షరాస్యత రేటు 64.47% ఉండగా, స్త్రీల అక్షరాస్యత రేటు 52.88% ఉంది.

భాషలు

దిగువ దిబాంగ్ లోయ జిల్లా ఇడు మిష్మి, ఆది, సినో-టిబెటన్ (అంతరించిపోతున్న భాధలలో ఒకటి) భాషలు వాడికలో ఉన్నాయి.^[8]

వృక్షజాలం, జంతుజాలం

దిగువ దిబాంగ్ జిల్లా వన్యమృగాలతో సుసంపన్నమై ఉంది. ఈ అరణ్యాలలో మిష్మి టాకిన్, రెడ్ గోరల్, ఏనుగులు, అడవి నీటి దున్న, మౌంట్జాక్ వంటి వన్యమృగాలు ఉన్నాయి. స్క్లటర్ మోనల్, బ్లిత్స్ ట్రాగోపన్, రుఫోర్స్ - నెక్డ్ హార్న్‌బిల్, బెంగాల్ ఫ్లోరికన్, వైట్ - వింగ్డ్ వుడ్ డక్ వంటి పక్షులు ఉన్నాయి.^[9] సైన్సు ప్రపంచానికి సరికొత్త ప్రాణి అయిన మిష్మి హిల్స్ జైంట్ ఎగిరే ఉడుత " పెటౌరిస్టా మిష్మింసిస్ " ఈ ప్రాంతంలో కనిపిస్తుంది.^[10] 1980లో దిగువ దిబాంగ్ లోయ జిల్లాలో 282 చ.కి.మీ వైశాల్యంలో " మెహయో విల్డ్‌లైఫ్ శాంక్చ్యురీ " ఏర్పాటుచేయబడింది.^[11]

మూలాలు

1. "District Census 2011". Census2011.co.in.
2. "Arunachal Pradesh Population Census 2011, Arunachal Pradesh Religion, Literacy, Sex Ratio - Census India". www.censusindia.co.in (in అమెరికన్ ఇంగ్లీష్). Retrieved 2023-09-19.
3. "District Census 2011". Census2011.co.in. 2011. Retrieved 2011-09-30.
4. Law, Gwillim (25 September 2001). "Districts of India". Statoids. Retrieved 2011-10-11.
5. "Official Website of the Lower Dibang Valley District". Archived from the original on 2011-05-26. Retrieved 2014-05-25.
6. "Assembly Constituencies allocation w.r.t District and Parliamentary Constituencies". Chief Electoral Officer, Arunachal Pradesh website. Archived from the original on 13 ఆగస్టు 2011. Retrieved 21 March 2011.
7. "Lower Dibang Valley District Population Religion - Arunachal Pradesh, Lower Dibang Valley Literacy, Sex Ratio - Census India". www.censusindia.co.in (in అమెరికన్ ఇంగ్లీష్). Retrieved 2023-09-19.
8. M. Paul Lewis, ed. (2009). "Galo: A language of India". Ethnologue: Languages of the World (16th ed.). Dallas, Texas: SIL International. Retrieved 2011-09-28.
9. Choudhury, Anwaruddin (2008) Survey of mammals and birds in Dihang-Dibang biosphere reserve, Arunachal Pradesh. Final report to Ministry of Environment & Forests, Government of India. The Rhino Foundation for nature in NE India, Guwahati, India. 70pp.
10. Choudhury,Anwaruddin (2009).One more new flying squirrel of the genus Petaurista Link, 1795 from Arunachal Pradesh in north-east India. The Newsletter and Journal of the RhinoFoundation for nat. in NE India 8: 26–34, plates.
11. Indian Ministry of Forests and Environment. "Protected areas: Arunachal Pradesh". Archived from the original on 23 ఆగస్టు 2011. Retrieved 25 September 2011.

వెలుపలి లింకులు