From Wikipedia, the free encyclopedia
పురాణం రమేష్ తెలంగాణ రాష్ట్రానికి చెందిన కూనపులి పటం కథ కళాకారుడు.[1][2] కూనపులి కళ అంతరించిపోకుండా అనేక ప్రదర్శనలిస్తున్న రమేష్ను తెలంగాణ ప్రభుత్వం 2018, జూన్ 2న తెలంగాణ ఆవిర్భావ పురస్కారం ఇచ్చి గౌరవించింది.[3]
పురాణం రమేష్ | |
---|---|
జననం | శాయంపేట, శాయంపేట మండలం, హన్మకొండ జిల్లా |
నివాస ప్రాంతం | హైదరాబాదు |
ప్రసిద్ధి | కూనపులి పటం కథ కళాకారుడు |
మతం | హిందూ |
తండ్రి | ఎర్రగట్టు |
తల్లి | గంగమ్మ |
ఈయన పురాణం ఎర్రగట్టు, గంగమ్మ దంపతులకు వరంగల్ గ్రామీణ జిల్లా శాయంపేట మండలం, శాయంపేట గ్రామంలో జన్మించాడు. రమేష్ తండ్రి ఎర్రగట్టు కూనపులి పటం కథ ప్రదర్శనలు ఇచ్చేవాడు.[4] రమేష్ ఇద్దరు భార్యలు వనమాల, దేవిలతోపాటు కుమారులు చంద్రశేఖర్, వెంకటేశంలు కూనపులి కథలో డోలక్, హార్మోనియం వాయిస్తూ తనకు సహాయకులుగా ఉంటారు.[5]
రమేష్ తండ్రి ఎర్రగట్టు చిన్నప్పటి నుండి తన తండ్రుల వారసత్వంగా భక్తమార్కండేయ పద్మశాలి కులస్తుల జీవిత చరిత్రను పటం ఆధారంగా కూనపులి కథగా చెప్పేవాడు. ఎర్రగట్టు వారసత్వంగా తన కుమారుడు పురాణం రమేష్ను కూనపులి కళాకారునిగా తయారు చేశాడు. వరంగల్ జిల్లాతో పాటు ఇరుగుపొరుగు జిల్లాలైన కరీంనగర్, నల్గొండ, హైదరాబాద్, రంగారెడ్డి, మెదక్ జిల్లాల్లో కూనపులి ప్రదర్శనలిస్తున్నాడు.[6]
వరంగల్, కరీంనగర్, నల్గొండ, హైదరాబాదు, రంగారెడ్డి, మెదక్ మొదలైన జిల్లాల్లో కూనపులి ప్రదర్శనలిచ్చాడు. ప్రస్తుతం కూనపులి కథను చెప్పించుకునే వారు లేకపోవడంతో రమేష్ కుటుంబం వేర్వేరు పనులు చేసుకుంటూ జీవిస్తున్నారు.
తెలుగు విశ్వవిద్యాలయం నుండి 2014లో ఏలె లక్ష్మణ్ కూనపులి పటం కథపై చేసిన డాక్యుమెంటరీ ఫిల్మ్లో పురాణం రమేష్ కథ చెప్పాడు. తెలంగాణ రాష్ట్ర భాషా సాంస్కృతిక శాఖ సంచాలకుడు మామిడి హరికృష్ణ ప్రోత్సాహంతో రవీంద్రభారతిలో, గోదావరి పుష్కరాలులో, హైదరాబాద్ కేంద్రీయ విశ్వవిద్యాలయంలో, ఆగస్టు 15 వంటి వివిధ కార్యక్రమాల్లో కూనపులి పటం కథలను చెప్పాడు.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.