From Wikipedia, the free encyclopedia
నటరత్నాలు అనేది మిక్కిలినేని రాధాకృష్ణమూర్తి రచించిన విశిష్టమైన తెలుగు పుస్తకం.
| నటరత్నాలు | |
| బొమ్మ కావాలి.jpg | |
| బొమ్మ కావాలి | |
| కృతికర్త: | మిక్కిలినేని రాధాకృష్ణమూర్తి |
|---|---|
| సంపాదకులు: | మిక్కిలినేని రాధాకృష్ణమూర్తి |
| దేశం: | భారత దేశము |
| భాష: | తెలుగు |
| విభాగం (కళా ప్రక్రియ): | తెలుగు నాటకం |
| ప్రచురణ: | సీతారత్నం గ్రంథమాల |
| విడుదల: | 1980 |
| పేజీలు: | 680 |
నూట ఇరవై సంవత్సరాల చరిత్ర కలిగిన నాటకరంగ చరిత్రలో ఎందరో మహానటులు తెలుగు నాటకరంగానికి సేవ చేశారు. అటువంటి వారి జీవిత విశేషాల్ని ఒకచోట చేర్చడంలో రచయిత కృతకృత్యులయ్యారు. దీనిని పద్మశ్రీ, కళాప్రపూర్ణ యన్. టి. రామారావు గారికి అంకితమిచ్చారు.
ఆంధ్ర నాటకరంగంలో మహోజ్వలంగా వెలిగిన ఎందరో మహానటుల ప్రదర్శనలను చూచి, పులకించి, వారి నటనకు స్పందించి మిక్కిలినేని వారి వివరాల్ని భావి తరాలకు అందించే సదుద్దేశంతో ఎంతో వ్యయప్రయాసలకు ఓర్చి, కొన్ని సార్లు దొంగతనం కూడా చేసి సమాచారాన్ని సేకరించారు. కొన్ని నటరత్నాలు అనే శీర్షికతో ఆంధ్రప్రభ పత్రికలో ముద్రించబడ్డాయి. వాటిని చదివి కొందరు మహానటుల కుటుంబానికి చెందిన వ్యక్తులు జీవిత విశేషాలు పంపించి సహకరించారు. అలా 320 మంది నటీనటుల జీవిత చరిత్రలను సేకరించి ధన్యుడయ్యారు.
ఈ పుస్తకం 1980 సంవత్సరంలో ప్రథమ ముద్రణ పొందినది. తర్వాత 2002 సంవత్సరంలో ద్వితీయ ముద్రణ జరిగింది.
నటరత్నాల జీవిత విశేషాల తర్వాత ఇంకా ఎందరో మహానుభావులను మరచిపోయానని జ్ఞప్తికి వచ్చి 144 మంది ప్రసిద్ధ నాటక దర్శకులు, 157 మంది ప్రసిద్ధ నటులు, 94 మంది ప్రసిద్ధ నటీమణులు జాబితాలను చివరగా చేర్చారు.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
