కొండపల్లి దశరథ్

కొండపల్లి దశరథ్ కుమార్ ఒక ప్రముఖ సినీ దర్శకుడు, రచయిత. సంతోషం, సంబరం, మిస్టర్ పర్‌ఫెక్ట్ అతను దర్శకత్వం వహించిన కొన్ని సినిమాలు.^[1][2]

దశరథ్
జననం	ఖమ్మం
వృత్తి	సినీ దర్శకుడు
జీవిత భాగస్వామి	శేష సౌమ్య
పిల్లలు	ఇద్దరు కుమార్తెలు

జననం

దశరథ్ 1971, నవంబరు 30న తెలంగాణ రాష్ట్రం, ఖమ్మంలోని ఒక తెలుగు బ్రాహ్మణ కుటుంబంలో జన్మించాడు.^[3]

వ్యక్తిగత జీవితం

2005 లో శేష సౌమ్యతో అతని వివాహం జరిగింది. వారికి ఇద్దరు కుమార్తెలు ఉన్నారు.^[4]

సినిమారంగం

సినిమాల్లోకి రాక మునుపు దశరథ్, ప్రముఖ రచయిత యండమూరి వీరేంద్రనాథ్ తో కలిసి టీవీ సీరియళ్ళకు సంభాషణలు రాసేవాడు. దూరదర్శన్ లో ప్రసారమైన వెన్నెల్లో ఆడపిల్ల అనే ధారావాహిక మంచి ఆదరణ పొందింది. వీరశంకర్, తేజ, వై.వి.యస్.చౌదరి లాంటి దర్శకులతో సుమారు పదేళ్ళ పాటు పనిచేశాడు. వీరశంకర్ తో హలో ఐ లవ్ యూ, వైవీయస్ చౌదరితో యువరాజు, తేజతో చిత్రం, నువ్వు నేను, ఫ్యామిలీ సర్కస్ లాంటి సినిమాలకు పనిచేశాడు.

2002 లో నాగార్జున కథానాయకుడిగా వచ్చిన సంతోషం సినిమాతో దర్శకుడిగా పేరు తెచ్చుకున్నాడు.

సినిమాలు

దర్శకుడిగా

• శౌర్య - 2016
• గ్రీకు వీరుడు - 2013
• మిస్టర్ పర్‌ఫెక్ట్ - 2011
• స్వాగతం - 2008
• శ్రీ - 2005
• సంబరం - 2003
• సంతోషం - 2002

రచయితగా

• శుభవేళ - 2000
• చిత్రం - 2000
• ఫ్యామిలీ సర్కస్ - 2001
• నువ్వు నేను - 2001
• సంతోషం - 2002
• శ్రీ - 2005
• స్వాగతం - 2008
• లవ్ యూ రామ్ (2023)

పుస్తకాలు

• కథారచన: తెలుగులో మంచి స్క్రీన్ ప్లే పుస్తకం ఉండాలనే ఉద్ధేశ్యంతో దాదాపు 14 నెలలు శ్రమించి రాసిన పుస్తకం ఇది. తెలంగాణ ప్రభుత్వ భాషా సాంస్కృతిక శాఖ ప్రచురించిన ఈ పుస్తకాన్ని 2023 జనవరి 9న హైదరాబాదులోని ప్రసాద్ లాబ్స్ లో జరిగిన కార్యక్రమంలో తెలంగాణ రాష్ట్ర ఐటి శాఖామంత్రి కల్వకుంట్ల తారక రామారావు గారు ఆవిష్కరించారు. ఈ కార్యక్రమంలో సినీ దర్శకులు వివి వినాయక్, హరీష్ శంకర్, నాగ్ అశ్విన్, విఎన్ ఆదిత్య, వై. కాశీ విశ్వనాథ్, మహేష్ తదితరులు పాల్గొన్నారు.^[5][6]

అవార్డులు

నంది అవార్డులు

• ఉత్తమ చలన చిత్రంగా నంది అవార్డు, కాంస్య - సంతోషం - 2002
• ఉత్తమ చిత్రంగా ఫిల్మ్‌ఫేర్ అవార్డు - సంతోషం - 2002

ఇతర అవార్డులు

• సదరన్ ఇండియా సినిమాటోగ్రాఫర్స్ అసోసియేషన్ అవార్డు - 2002

మూలాలు

1. All about class - The Hindu
2. "Posters: Nagarajuna's first look in Greeku Veerudu - Oneindia Entertainment". Archived from the original on 2013-05-28. Retrieved 2016-09-22.
3. "Dasaradh - Screenwriter, Film director". Archived from the original on 2016-03-04. Retrieved 2016-09-22.
4. "Dasarath interview - chitchat - Telugu film director". Archived from the original on 2016-08-11. Retrieved 2016-09-22.
5. Nagaraju, Pandari (2023-01-09). "దశరథ్ 'కథా రచన' పుస్తకాన్ని ఆవిష్కరించిన మంత్రి కెటిఆర్". Mana Telangana. Archived from the original on 2023-01-10. Retrieved 2023-01-10.
6. Telugu, 10TV; Nill, Saketh (2023-01-10). "KTR : కంటెంట్ ఉన్న సినిమా దేశం అంతా ఆడుతుంది.. మరి కంటెంట్ ఉన్న నాయకుడు ఎందుకు హిట్ కాడు??". 10TV Telugu. Archived from the original on 2023-01-10. Retrieved 2023-01-10.{{cite web}}: CS1 maint: numeric names: authors list (link)

బయటి లింకులు

ఇంటర్నెట్ మూవీ డేటాబేసు లో దశరథ్ పేజీ