తనీష్

తనీష్ ఒక తెలుగు సినీ నటుడు. బాలనటుడిగా కెరీర్ ప్రారంభించి ప్రస్తుతం హీరోగా నటిస్తున్నాడు. నచ్చావులే హీరోగా అతని మొదటి సినిమా. బాల నటుడిగా దేవుళ్ళు, మన్మథుడు లాంటి సినిమాల్లో నటించాడు.

తనీష్
వృత్తి	సినీ నటుడు
తల్లిదండ్రులు	అల్లాడి యేసువర్ధన్ బాబు[1] (తండ్రి) సరస్వతి (తల్లి)

వ్యక్తిగత జీవితం

తనీష్ తండ్రి అల్లాడి యేసువర్ధన్ బాబు సైన్యంలో సుబేదారుగా పనిచేసి పదవీ విరమణ చేశాడు. తల్లి సరస్వతి. వీరికి తనీష్, వంశీకృష్ణ, కాశీ విశ్వనాథ్ అనే ముగ్గురు కొడుకులున్నారు. తనీష్ చిన్నప్పటి నుంచి డ్యాన్సు మీద ఆసక్తి చూపేవాడు. తండ్రి పనిచేసే సంస్థలో ఏదైనా కార్యక్రమాలు జరిగినప్పుడల్లా వాటిలో పాల్గొనేవాడు. బాల నటుడిగా రోజుకి మూడు షిఫ్టులు పనిచేసేవాడు. తనీష్ కెరీర్ కోసం తండ్రి స్వచ్ఛంద పదవీవిరమణ చేశాడు.^[2]

మే 19, 2016 న యేసువర్ధన్ బాబు తన ఫ్లాట్ నుండి కింద పడి మరణించాడు. కొంతమంది ఆయన ఆర్థిక సమస్యలతో ఆత్మహత్య చేసుకొని ఉండవచ్చని భావించగా, ఆయన కుటుంబం మాత్రం తమకు ఆర్థిక సమస్యలేమీ లేవనీ, తాగిన మత్తులో పొరపాటున కాలి జారి కిందపడి మరణించి ఉండవచ్చునని తెలియజేశారు.^[1][3]

సినిమాలు

సంఖ్య	సంవత్సరం	సినిమా	పాత్ర	సహనటులు
1	2000	దేవుళ్ళు	అయ్యప్ప స్వామి
2	2002	మన్మథుడు	హారిక తమ్ముడు	నాగార్జున, సోనాలి బెంద్రే
3	2008	నచ్చావులే	లవ్	మాధవీలత
4	2009	రైడ్		నాని, శ్వేత బసు ప్రసాద్, అక్ష
5	2010	మౌనరాగం	చందు	మధురిమ
6		ఏం పిల్లో ఏం పిల్లడో	రామ్	ప్రణీత సుభాష్
7	2011	కోడిపుంజు	అభిమన్యు	శోభన
8		మంచివాడు	రాజా	భామ
11	2012	మేం వయసుకు వచ్చాం	లక్కీ	నీతి టేలర్
12		చాణక్యుడు	చాణక్య	ఇశితా దత్తా
13	2013	తెలుగబ్బాయి	అరుణ్	రమ్య నంబీశన్
14	2014	పాండవులు పాండవులు తుమ్మెద	లక్కీ
15		బ్యాండ్ బాజా[4]
16	2016	ఓ మై గాడ్[5]
17	2017	ప్రేమిక
18	2018	దేశదిమ్మరి
19	2018	రంగు
20	2021	మరో ప్రస్థానం'