From Wikipedia, the free encyclopedia
ఎలుకా మజాకా 2016, ఫిబ్రవరి 26న విడుదలైన తెలుగు హాస్య చలనచిత్రం. రేలంగి నరసింహారావు దర్శకత్వం వహించిన ఈ చిత్రంలో వెన్నెల కిషోర్, బ్రహ్మానందం, పావని, రఘుబాబు తదితరులు ప్రధాన పాత్రల్లో నటించగా, బల్లెపల్లి మోహన్ సంగీతం అందించాడు. నా ఫ్రెండ్స్ ఆర్ట్ మూవీస్ పతాకంపై మారెళ్ళ నరసింహారావు, వడ్డెంపూడి శ్రీనివాసరావు నిర్మించిన ఈ చిత్రం రేలంగి నరసింహరావుకు 75వ చిత్రం.[1]
| ఎలుకా మజాకా | |
|---|---|
 | |
| దర్శకత్వం | రేలంగి నరసింహారావు |
| స్క్రీన్ ప్లే | దివాకర్ బాబు గంగోత్రి విశ్వనాథ్ |
| కథ | రేలంగి నరసింహారావు |
| నిర్మాత | మారెళ్ళ నరసింహారావు, వడ్డెంపూడి శ్రీనివాసరావు |
| తారాగణం | వెన్నెల కిషోర్ బ్రహ్మానందం పావని రఘుబాబు |
| ఛాయాగ్రహణం | నాగేంద్ర కుమార్ మోతుకూరి |
| కూర్పు | నందమూరి హరి |
| సంగీతం | బల్లెపల్లి మోహన్ |
విడుదల తేదీ | ఫిబ్రవరి 26, 2016 |
| దేశం | భారతదేశం |
| భాష | తెలుగు |
హైదరాబాద్‌లో జరిగే అనేక కార్యక్రమాలకు పూలు సరఫరా చేసే వ్యాపారం చేస్తున్న బాలు (వెన్నెల కిషోర్), చెప్పిన టైమ్‌కి రాకపోయినా, చెప్పిన పని చేయకపోయినా విచిత్రమైన కండిషన్లతో ఇబ్బంది పెట్టే రఘుబాబు కూతురిని ప్రేమిస్తాడు. ఈ క్రమంలోనే రఘుబాబు కండిషన్‌కు కట్టుబడి ఉండేందుకు వెన్నెల కిషోర్, వినాయకుడిని కూడా లెక్కచేయకూడని పరిస్థితి వస్తుంది. దీంతో వినాయకుడి వాహనమైన ఎలుక అతడిని ఎలాగైనా శిక్షించాలని ఓ ఎలుక (బ్రహ్మానందం)ను అతడుండే ప్రదేశానికి పంపిస్తుంది.
కండిషన్స్ పెట్టే మామతోనే తట్టుకోవడం కష్టమనే పరిస్థితుల్లో వెన్నెల కిషోర్, ఈ ఎలుక పెట్టే ఇబ్బందులను కూడా ఎలా ఎదుర్కొన్నాడు? ఈ పరిస్థితులన్నీ అతడి కాపురంలో ఎలాంటి మార్పులు తెచ్చాయి? చివరకు వీటన్నింటినీ వెన్నెల కిషోర్ ఎలా ఎదుర్కొని బయటపడ్డాడు? అన్నది మిగతా కథ.
ఇలాపావులూరి మురళీమోహన్ రావు రాసిన ఎలుకా వచ్చే ఇల్లు భధ్రం ఆధారంగా ఈ సినిమా రూపొందింది.[2] దీనికి సంబంధించిన చిత్రానువాదంను దివాకర్ బాబు రాశాడు.
నిర్మాతలు మారెళ్ళ నరసింహారావు, వడ్డెంపూడి శ్రీనివాసరావు, నటి పావనికి ఇది తొలి చిత్రం. ఈ చిత్రంలో దాదాపు నలభై నిమిషాలపాటు కంప్యూటర్ గ్రాఫిక్స్ ఉన్నాయి. దర్శకుడు నరసింహారావు కంప్యూటర్ గ్రాఫిక్స్ తో పనిచేసిన మొదటి చిత్రం కావడంతో అమ్మోరు, దేవి పుత్రుడు, అంజి, అరుంధతి వంటి సినిమాల్లోని గ్రాఫిక్స్ సృష్టించిన దర్శకుడు కోడి రామకృష్ణ సలహా తీసుకున్నారు.[3]
నాగేంద్ర కుమార్ గతంలో రేలంగి దర్శకత్వం వహించిన 16 సినిమాలకు ఛాయాగ్రాహకుడిగా పనిచేశాడు.[4] తొలిసారిగా ఈ చిత్రానికి సంగీతం అందించిన బల్లెపల్లి మోహన్, గతంలో వందేమాతరం శ్రీనివాస్ కు సహాయకుడిగా పనిచేశాడు.[1] సగిలి సత్యనారాయణ రెడ్డి ఈ చిత్రానికి కంప్యూటర్ గ్రాఫిక్స్ అందించాడు.[1]
2015, నవంబరు 7న పాటల అవిష్కరణ జరిగింది. సినీ దర్శకుడు దాసరి నారాయణరావు పాటలను ఆవిష్కరించి, తొలి సీడీని రాజేంద్రప్రసాద్‌కు అందించాడు. ఈ కార్యక్రమంలో నటులు గిరిబాబు, విజయ నరేష్, దర్శకుడు సునీల్‌కుమార్ రెడ్డి తదితరులు పాల్గొన్నారు.[5]
| క్రమసంఖ్య | పేరు | గాయకులు | నిడివి |
|---|---|---|---|
| 1. | "శ్లోకం" | హని | |
| 2. | "ఎలుకా మజాకా" | సింహ | |
| 3. | "గల్ గల నువ్వే" | అంజనా సౌమ్య, సాయి చరణ్ | |
| 4. | "మస్తున్నది" | శ్రావణ భార్గవి |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
