![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/te/thumb/6/64/Prudential_Cup_79_logo.svg/langte-640px-Prudential_Cup_79_logo.svg.png&w=640&q=50)
1979 క్రికెట్ ప్రపంచ కప్
From Wikipedia, the free encyclopedia
1979 క్రికెట్ ప్రపంచ కప్ (అధికారికంగా ప్రుడెన్షియల్ కప్ '79 అని పిలుస్తారు) క్రికెట్ ప్రపంచ కప్ రెండవ సంచిక. ఇంటర్నేషనల్ క్రికెట్ కాన్ఫరెన్స్ నిర్వహించిన ఈ పోటీ ఇంగ్లాండ్లో 1979 జూన్ 9 నుండి 23 వరకు జరిగింది.
1979 క్రికెట్ ప్రపంచ కప్ (ప్రుడెన్షియల్ కప్ '79) | |
---|---|
![]() | |
తేదీలు | 1979 జూన్ 9 – జూన్ 23 |
నిర్వాహకులు | అంతర్జాతీయ క్రికెట్ కౌన్సిల్ |
క్రికెట్ రకం | వన్ డే ఇంటర్నేషనల్ |
టోర్నమెంటు ఫార్మాట్లు | రౌండ్ రాబిన్, నాకౌట్ |
ఆతిథ్యం ఇచ్చేవారు | ఇంగ్లాండ్ |
ఛాంపియన్లు | ![]() |
పాల్గొన్నవారు | 8 |
ఆడిన మ్యాచ్లు | 15 |
ప్రేక్షకుల సంఖ్య | 1,32,000 (8,800 ఒక్కో మ్యాచ్కు) |
అత్యధిక పరుగులు | ![]() |
అత్యధిక వికెట్లు | ![]() |
← 1975 1983 → |
టోర్నమెంట్ను మళ్ళీ ప్రుడెన్షియల్ అస్యూరెన్స్ కంపెనీయే స్పాన్సర్ చేసింది. టోర్నమెంట్లో ఎనిమిది జట్లు పాల్గొన్నాయి, టోర్నమెంట్కు క్వాలిఫైయర్లో శ్రీలంకతో అర్హత సాధించిన కెనడా మాత్రమే మార్పు. ఫైనల్ పోటీ మళ్ళీ లార్డ్స్లోనే జరిగింది. ప్రతి గ్రూప్ నుండి రెండు జట్లు అర్హత సాధించడమనే ఫార్మాట్ కూడా మార్పు లేకుండా అలాగే ఉంది.
ఇంగ్లండ్ గ్రూప్ A నుండి రెండవ సెమీ-ఫైనలిస్టు పాకిస్తాన్తో చేరింది. గ్రూప్ Bలో వెస్టిండీస్ న్యూజిలాండ్ కంటే ముందు అగ్రస్థానంలో నిలిచింది. వెస్టిండీస్, ఇంగ్లండ్ రెండూ సెమీ-ఫైనల్స్లో పాకిస్తాన్, న్యూజిలాండ్లపై గెలిచి, లార్డ్స్లో జరిగిన ఫైనల్లో తలపడ్డాయి. వెస్టిండీస్ బ్యాట్స్మెన్, గార్డన్ గ్రీనిడ్జ్ టోర్నమెంటులో ఆడిన నాలుగు మ్యాచ్లలో 253 పరుగులతో అత్యధిక పరుగులు సాధించిన బ్యాటరుగా నిలిచాడు. ఇంగ్లాండ్ ఆటగాడు మైక్ హెండ్రిక్ పది వికెట్లతో అగ్ర బౌలరుగా నిలిచాడు.