బహ్రెయిన్
పశ్చిమాసియాలోని దేశం / From Wikipedia, the free encyclopedia
బహ్రయిన్ Bahrain (/bɑːˈreɪn/ ( listen); అరబ్బీ: البحرين al-Baḥrayn), అధికారికంగా " కింగ్డం ఆఫ్ బహ్రయిన్ " అంటారు. ఇది ఒక చిన్న ద్వీపదేశం. ఇది మిడిల్ ఈస్ట్ లోని పర్షియన్ గల్ఫ్ పశ్చిమతీరంలో ఉంది. ఇది భ్రయిన్ ద్వీపంతో చేరిన ద్వీపసమూహం. ఇది 55 కి.మీ పొడవు 18 కి.మీ వెడల్పు ఉంది. పశ్చిమ సరిహద్దులో ఉన్న సౌదీ అరేబియా " కింగ్ ఫహ్ద్ కౌస్వే " ద్వారా బహ్రయిన్తో అనుసంధానించబడి ఉంది. ఉత్తర దిశలో ఉన్న ఇరాన్ బహ్రయిన్ మద్య 200 కి.మీ పొడవైన పర్షియన్ గల్ఫ్ ఉంది.ఆగ్నేయంలో ఉన్న కతర్ ద్వీపకల్పం బహ్రయిన్ మద్య గల్ఫ్ ఆఫ్ బహ్రయిన్ ఉంది. 2010 నాటికి బహ్రయిన్ జనసంఖ్య 1,234,571. వీరిలో 666,172 మంది అన్యదేశీయులు ఉన్నారు.[1] దిల్మున్ సంస్కృతి మూలస్థానం బహ్రయిన్.[2]
مملكة البحرين Mamlakat al-Baḥrayn కింగ్డమ్ ఆఫ్ బహ్రయిన్ |
||||||
---|---|---|---|---|---|---|
జాతీయగీతం بحريننا Bahrainona Our Bahrain |
||||||
రాజధాని అతి పెద్ద నగరం | Manama 26°13′N 50°35′E | |||||
అధికార భాషలు | అరబ్బీ, ఆంగ్లం | |||||
ప్రజానామము | Bahrainis, Bahranis | |||||
ప్రభుత్వం | Constitutional monarchy | |||||
- | King | Hamad Bin Isa Al Khalifa | ||||
- | Prime Minister | Khalifah ibn Sulman Al Khalifah | ||||
- | Crown Prince | Salman bin Hamad bin Isa Al Khalifa | ||||
Independence | from UK | |||||
- | Date | 15 August 1971 | ||||
విస్తీర్ణం | ||||||
- | మొత్తం | 665 కి.మీ² (189th) 253 చ.మై |
||||
- | జలాలు (%) | 0 | ||||
జనాభా | ||||||
- | 2005 అంచనా | 698,5851 (164th) | ||||
- | జన సాంద్రత | 987 /కి.మీ² (10th) 2,556 /చ.మై |
||||
జీడీపీ (PPP) | అంచనా | |||||
- | మొత్తం | $14.08 billion (117th) | ||||
- | తలసరి | $20,500 (35th) | ||||
మా.సూ (హెచ్.డి.ఐ) (2004) | 0.859 (high) (39th) | |||||
కరెన్సీ | Bahraini dinar (BHD ) |
|||||
కాలాంశం | (UTC+3) | |||||
ఇంటర్నెట్ డొమైన్ కోడ్ | .bh | |||||
కాలింగ్ కోడ్ | +973 | |||||
1 | Includes 235,108 non-nationals (July 2005 estimate). |
పురాతనకాలం నుండి బహ్రయిన్ ముత్యాల ఉత్పత్తికి ప్రసిద్ధిచెందినది. 19వ శతాబ్దం నాటికి బహ్రయిన్ ముత్యాలు ప్రంపంచంలో నాణ్యమైనవని గుర్తింపువచ్చింది. ముస్లిం మతాన్ని స్వీకరించిన ఆరంభకాల దేశాలలో బహ్రయిన్ ఒకటి. బహ్రయిన్లో అరబ్ పాలన కొంతకాలం కొనసాగిన తరువాత ఈ ప్రాంతాన్ని 1521లో పోర్చుగీసు వారు ఆక్రమించుకున్నారు. 1602లో షాహ్ అబ్బాస్ ఈ ప్రాంతాన్ని ఆక్రమించుకుని పోర్చుగీసు ప్రజలను తరిమివేసాడు. మొదటి అబ్బాస్గా గుర్తించబడిన పర్షియన్ సామ్రాజ్యానికి చెందిన సఫావిద్ రాజవంశానికి చెందినవాడు. 1783లో బని ఉత్బా వంశస్థులు నాసర్- అల్ - మధ్కుర్ నుండి బహ్రయిన్ను స్వాధీనం చేసుకున్నాడు. తరువాత బహ్రయిన్ అల్- ఖలిఫా రాజకుటుంబం ఆధీనంలోకి మారింది. అహమ్మద్ బీన్ ముహమ్మద్ బీన్ ఖలీఫా బహ్రయిన్ మొదటి హకింగా అధికారబాధ్యతలు చేపట్టాడు. 1800 చివరిలో విజయవంతంగా ముగుసిన యునైటెడ్ కింగ్డం ఆఫ్ గ్రేట్ బ్రిటన్ అండ్ ఐర్లాండ్ ఒప్పందం తరువాత బ్రిటన్ యునైటెడ్ కింగ్డం ప్రొటెక్టరేట్ అయింది. 1971 బహ్రయిన్ స్వతంత్ర దేశంగా ప్రకటించబడింది. 2002లో బహ్రయిన్ సార్వభౌమరాజ్యంగా ప్రకటించబడింది. 2011 ఆరంభకాలం నుండి బహ్రయిన్లో రాజకీయ అశాంతి నెలకొన్నది. ప్రత్యేకంగా షియా ముస్లిం ప్రజలమద్య అశాంతి నెలకొన్నది. [3] పర్షియన్ గల్ఫ్లో బహ్రయిన్ మొదటిసారిగా ఆయిల్ ఆధారిత ఆర్థికాభివృద్ధిని అనుభవించింది.[4] 20వ శతాబ్దం నుండి బ్యాంకింగ్, పర్యాటకరంగంలో బహ్రయిన్ పెట్టుబడులు అధికరించాయి.[5] బహ్రయిన్ రాజధాని " మనమ " బృహత్తర ఫైనాంషియల్ సంస్థలకు నిలయంగా ఉంది. మానవాభివృద్ధిలో బహ్రయిన్ ఉన్నత స్థానంలో (అంతర్జాతీయంగా 48వ స్థానం) ఉంది. వరల్డ్ బ్యాంక్ బహ్రయిన్ను " హై ఇంకం ఎకనమీ " కలిగిన దేశంగా గుర్తించింది.